Aýa raıy
Astana 16 °S
Almaty 23 °S
valıýta baǵamy
USD 384.52
EUR 431.32
RUB 6.10
CNY 55.89

BQO densaýlyq saqtaý nysandarynda sanıtarlyq talaptardyń buzylǵany anyqtaldy

2019 jyldyń 21 aqpan 2019 16:37 1417

ORAL. QazAqparat  - Óńirdegi densaýlyq saqtaý nysandarynda birqatar sanıtarlyq talaptardyń buzylǵany anyqtaldy, dep habarlaıdy QazAqparat tilshisi.

BQO qoǵamdyq densaýlyq saqtaý departamentinen málim etkenindeı, bul týraly ótken jylǵy tekserýlerden keıin belgili boldy.

Sonyń ishinde dezıfektsııalyq-sterıldeý tártibin saqtaý, medıtsınalyq qaldyqtardy jınaý (joıý), qujattardy júrgizý kezinde talapty buzýshylyq jıi anyqtalady.

Mysaly, densaýlyq saqtaý nysandaryndaǵy ústel, qabyrǵa, tereze jaqtaýlarynan, qurylǵylar men medqyzmetkerlerdiń arnaıy kıimderinen 2989 juǵyn alynyp, «Ulttyq saraptama  ortalyǵy» oblystyq fılıalynda zerttelgen kezde sonyń 29-ynan sáıkessizdik anyqtaldy. ıAǵnı 24-nen ishek taıaqshasy tobynyń bakterııalary, beseýinen altyntústes stafılokokk tabyldy.

Qorshaǵan orta aýasynyń sáıkestigine qatysty 1201 synama alynyp, sonyń 35-i (Jánibek, Zelenov, Qaratóbe aýdandyq ortalyq aýrýhanalary, «Askopstoma» jáne «Olımp - Denta» JShS jeke stomatologııalarynda) talapqa sáıkes kelmedi.

Sterıldilikke alynǵan 574 materıaldyń bireýi (Shyńǵyrlaý aýdandyq ortalyq aýrýhanasy) sáıkes bolmaı shyqty. Dezınfektsııalyq eritindiler kontsentratsııasyna qatysty 175 synama zerttelip, sonyń 13-i (Zelenov, Qaztalov aýdandyq aýrýhanalarynda) sáıkes kelmedi.

Zerthanalyq kórsetkishter boıynsha sáıkessizdikterdiń joǵary paıyzy Zelenov (13 paıyz), Qaratóbe (3 paıyz) jáne Jánibek (2,1 paıyz) aýdandyq aýrýhanalarynda baıqalyp otyr.

«Ótken jylǵy tekserister boıynsha menshik ıesine qaramastan, anyqtalǵan jaıttar boıynsha shara qoldaný usynyldy. Sonyń nátıjesinde 103 aıyppul salyndy, buzýshylyqtardy joıý jóninde 41 usynym berildi. 26 medıtsına qyzmetkeri jumystan ýaqytsha shettetildi. Mundaı talapty buzýshylyqtyń aldyn alý baǵytyndaǵy jumystar aldaǵy ýaqytta da jalǵasatyn bolady», dep habarlady qoǵamdyq densaýlyq saqtaý departamentinen.

Eske sala keteıik, budan buryn oblysta keıbir ónimderdiń talapqa saı emestigi anyqtalǵanyn jazǵan bolatynbyz.

 

 

 

Joǵary qaraı