Aýa raıy
Astana 12 °S
Almaty 20 °S
valıýta baǵamy
USD 389.59
EUR 429.06
RUB 6.05
CNY 55.07

BQO-da taǵy eki adam sýǵa ketti

2019 jyldyń 19 mamyr 2019 16:07

ORAL. QazAqparat - Batys Qazaqstan oblysynda taǵy eki adam sýǵa ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, qaıǵyly oqıǵanyń bireýi Qaratóbe aýdanynda 17 mamyr kúni oryn aldy.

Qaratóbe aýyldyq okrýginde 2007 jylǵy bala (6-synyp oqýshysy) saǵat 21.30-da Qaldyǵaıty ózenine batyp ketken. Ol shomylýǵa jabdyqtalmaǵan jerden sýǵa túsken ári jeke qutqarý quraly bolmaǵan. Marqumnyń denesi TJ qyzmetkerleriniń kúshimen 22.35-te shyǵaryldy.

Ekinshi oqıǵa 15 mamyr kúni Báıterek aýdany Makarov aýylynda boldy. 1995 jylǵy ózbekstandyq azamat saǵat 20.20-da Shaǵan ózeninen shyqpaı qalǵan. Jeke qutqarý quraly bolmaǵan ol da shomylýǵa jabdyqtalmaǵan jerden túsken. Qutqarýshylar onyń denesin 21.30-da alyp shyqty.

Eske sala keteıik, budan buryn Aqjaıyq aýdanynda balyq aýlaýǵa barǵan er adamnyń sýǵa ketkenin jazǵan bolatynbyz.

Jalpy, Aqjaıyq aýdanynda bıyl tórt adam sýǵa ketse, sonyń bireýi - 2008 jylǵy oqýshy.

Avtor Eljan Eraly
Basty sózder: Oqıǵa, Batys Qazaqstan oblysy,
Joǵary qaraı