Aýa raıy
Astana 27 °S
Almaty 25 °S
valıýta baǵamy
USD 386.82
EUR 428.67
RUB 5.86
CNY 54.95

BQO-da eki kúnde úsh bala sýǵa ketti

2019 jyldyń 12 shilde 2019 13:07 449

ORAL. QazAqparat - Batys Qazaqstan oblysynda eki kúnde úsh bala sýǵa ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, qaıǵyly oqıǵa Qaztalov aýdany men Oral qalasynda oryn aldy.

10 shilde kúni Qaztalov aýdany Jalpaqtal aýyly tusynda Qaraózenge 2013 jylǵy er bala batyp ketti. Ol shomylýǵa jabdyqtalmaǵan jerden túsken. Saǵat 21.19-da jergilikti turǵyndar marqumnyń denesin sýdan shyǵaryp aldy.

null 

Keshe saǵat 16.12-de Oralda Elızarov kóshesi aýdanynda 2006 jylǵy ul jáne 2008 jylǵy qyz bala Jaıyq ózeninen shyqpaı qaldy. Olar da shomylýǵa tyıym salynǵan belgige qaramastan, sýǵa túsken. Keıin ekeýiniń denesin qutqarýshylar alyp shyqty.

Osymen bıyl óńirde 24 adam sýǵa ketse, sonyń jeteýi balalar bolyp otyr.

BQO TJ departamenti ata-analardan balalaryn sýǵa túsýge jalǵyz jibermeýdi, qaraýsyz qaldyrmaýdy ótinedi.

 

 

Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı