Aýa raıy
Astana 6 °S
Almaty 0 °S
valıýta baǵamy
USD 389.98
EUR 434.01
RUB 6.10
CNY 55.04

BQO-da boranǵa baılanysty bes baǵyttaǵy jol jabyldy

2019 jyldyń 21 aqpan 2019 22:08

ORAL. QazAqparat - Batys Qazaqstan oblysynda boranǵa baılanysty bes baǵyttaǵy jol jabyldy, dep habarlaıdy QazAqparat tilshisi.

BQO TJ departamentinen alynǵan málimetke qaraǵanda, búgin keshkisin óńirdiń keı jerlerinde qatty burqasyn kóterilip, jeldiń jyldamdyǵy sekýndyna 15 metrge deıin jetti.

Osyǵan baılanysty jergilikti saǵat 21.00-den bastap respýblıkalyq mańyzy bar Oral-Tasqala-RF shekarasy (Peremetnyıdan Reseı shekarasyna deıin) jolynda barlyq kólik túrleri úshin qozǵalysqa shekteý qoıyldy.

Sonymen qatar saǵat 18.30-dan bastap oblystyq mańyzy bar Fedorov-Aqsaı, Bórli-Aqsaı-Jympıty, Aqsaı-Shyńǵyrlaý, Shyńǵyrlaý-Aqshat-Segizsaı joldary jabyldy.

«Qazirgi kezde turǵyndarǵa SMS habarlamalar jiberilip, alys joldarǵa shyqpaý jóninde eskertilýde», dep habarlady QazAqparat tilshisine oblystyq TJ departamentinen.

Eske sala keteıik, budan buryn da boranǵa baılanysty jol jabylǵan bolatyn.

Sondaı-aq jyl basynan beri borandy kúni jolda qalǵan qar qursaýynan 800-den astam adam qutqaryldy.

Búgin aýa raıyna baılanysty eskertý jarııalanyp, qutqarýshylar bes aılyq sábıdi aýrýhanaǵa jetkizdi.

Qardyń kóptigine baılanysty oblysta taǵy bir úıdiń tóbesi qulady.

Joǵary qaraı