Aýa raıy
Astana 9 °S
Almaty 10 °S
valıýta baǵamy
USD 389.62
EUR 429.98
RUB 6.06
CNY 55.08

BQO-da avtokólik jylqylarmen soqtyǵysty

2018 jyldyń 20 qarasha 2018 11:40

ORAL. QazAqparat - Oral-Aqsaı joly boıynda «Folksvagen Sharan» avtokóligi jylqylarmen soqtyǵysty, dep habarlaıdy QazAqparat tilshisi.

Oqıǵa keshe keshkisin Terekti aýdany Dolınnyı aýyly mańynda, aýdan ortalyǵy Fedorovtan 24 shaqyrym jerde oryn aldy.

Aýdandyq polıtsııa bólimi jergilikti polıtsııa qyzmeti bastyǵynyń orynbasary Baýyrjan Supyǵalıevtiń aıtýynsha, Oral men Aqsaıdyń arasynda taksı esebinde júretin avtokólik jol boıyna shyǵyp ketken bes jylqymen túıisip, sonyń úsheýi mert boldy. Qalǵan ekeýi de mertikken. Adamdar aman. Jeńil-jelpi jaraqat alǵan.

Qazirgi kezde maldyń kimge tıesili ekeni anyqtalýda. Aldyn ala málimetke qaraǵanda, avtokólik qalpyna keltirýge kelmeıdi.

Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń sózine qaraǵanda, sanavıatsııaǵa shaqyrtý saǵat 20.05-te túsken. Fedorovtan quramynda hırýrg, anestezıolog-reanımatolog, feldsher bar brıgada oqıǵa ornyna jetti. Avtokólikte bolǵan úsh adam zardap shekken. Olardyń ekeýi jedel járdem kelgenge deıin basqa kólikke otyryp, ketip qalǵan. Al 1975 jylǵy er adam keýdesinen jeńil jaraqat alǵan, moıny kógergen. Aýrýhanaǵa jatýdan bas tartqan oǵan sol jerde kómek kórsetildi.



null

Aıta keteıik, jol boıynda maldyń jıi júretini belgili. Ásirese, jylqy qarańǵy mezgilde túsken jaryqqa qarsy shabady.

Joǵary qaraı