Aýa raıy
Astana 19 °S
Almaty 30 °S
valıýta baǵamy
USD 386.05
EUR 428.25
RUB 5.84
CNY 54.65

BQO-da avtokólik aýdarylyp, qyz bala qaza tapty

2019 jyldyń 19 shilde 2019 20:46 311

ORAL. QazAqparat – Batys Qazaqstan oblysynda avtokólik aýdarylyp, qyz bala qaza tapty, dep habarlaıdy QazAqparat tilshisi.

Oqıǵa búgin Oral-Atyraý joly boıynda oryn aldy.

Kýágerlerdiń sózine qaraǵanda, Aqjaıyq aýdany jaqtan kele jatqan «VAZ-21114» avtokóligi Báıterek aýdany ıAnaıkın aýyly tusynda aýdarylyp qalǵan.

Avtokólikte júrgizýshiden basqa áıeli jáne úsh balasy bolǵan. 2011 jylǵy qyz bala jolda jedel járdem kóliginde kóz jumǵan.

Oblystyq densaýlyq saqtaý basqarmasynan túsken málimetke qaraǵanda, jedel járdemge qońyraý saǵat 16.53-te shalynǵan. Oqıǵa Oral-Atyraý jolynyń 67-shaqyrymynda bolǵan.

Saldarynan 2011, 2008 jáne 2013 jylǵy úsh bala zardap shekken. Sońǵy ekeýi oblystyq kópbeıindi balalar aýrýhanasyna jetkizildi.

Eske sala keteıik, budan buryn BQO-da úsh avtokólik túıisip, 5 adamnyń jaraqat alǵanyn jazǵan bolatynbyz.


Avtor Eljan Eraly
Basty sózder: Batys Qazaqstan oblysy, Oqıǵa,
Joǵary qaraı