Aýa raıy
Astana -3 °S
Almaty 15 °S
valıýta baǵamy
USD 389.98
EUR 434.01
RUB 6.10
CNY 55.04

Bıyl elimizde 20 myń turaqty jumys orny ashylady

2019 jyldyń 26 naýryz 2019 11:09

NUR-SULTAN. QazAqparat - Bıyl elimizde 20 myń turaqty jumys orny ashylady. Bul týraly búgin Úkimet otyrysynda QR 2015-2019 jyldarǵa arnalǵan ındýstrıaldy-ınnovatsııalyq damý memlekettik baǵdarlamasynyń oryndalý barysy jaıynda baıandaǵan QR Indýstrııa jáne ınfraqurylymdyq damý mınıstri Roman Sklıar aıtty, dep habarlaıdy QazAqparat tilshisi.

«Bıyl biz óńdeý ónerkásibiniń ósimin 104 paıyzǵa jetkizýimiz kerek. Bul úshin óndiris kólemin arttyrý jáne jetekshilik etetin salalarda jumys oryndaryn saqtaý sharalary qabyldanatyn bolady. Jalpy somasy 1,1 trln teńge bolatyn120-ǵa jýyq jobany iske qosý josparlanyp otyr. Onda 20 myń turaqty jumys orny qurylady», - dedi Roman Sklıar.

Onyń dereginshe, metallýrgııa boıynsha ótken jyly Shyǵys Qazaqstan oblysynda «Baqyrshyq taý-ken óndirý kásiporny» Jaýapkershiligi shekteýli seriktestiginde taý-ken baıytý kesheni jáne Qaraǵandy oblysynda «Sary-Arka Copper Processing» jaýapkershiligi shekteýli seriktestiginiń katodty mys shyǵarý zaýyty sııaqty iri jobalary iske qosyldy.

«Bıyl osy kásiporyndar men «ArselorMıttal Temirtaýdyń» jobalyq qýatqa shyǵýy salanyń josparly kórsetkishke qol jetkizip, óńdeý ónerkásibiniń ósimin qamtamasyz etýge múmkindik beredi. Munan bólek, jyl sońyna deıin Qaraǵandy oblysynda ferrosılıtsııa óndiretin zaýyt, Almaty qalasynda bolat spıraldy qubyr óndiretin zaýyt iske qosylady», - dedi mınıstr.

Joǵary qaraı