Aýa raıy
Astana 20 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

Bıyl Astananyń barlyq bilim mekemesinde vıdeokamera bolady

2019 jyldyń 20 aqpan 2019 12:02 865

ASTANA. QazAqparat - Bıyl elorda bilim berý mekemeleri 100 paıyz beınebaqylaý kamerasymen jabdyqtalady. Bul týraly búgin qala halqynyń aldynda esep berip jatqan Astana ákimi Baqyt Sultanov aıtty, dep habarlaıdy QazAqparat tilshisi.

«Aǵymdaǵy jyly pedagogtarǵa taǵy 1 myń turǵyn úı sertıfıkaty beriledi. 300 orynǵa arnalǵan jataqhana qurylysy aıaqtalýǵa jaqyn. Mine, osy jerde kadrǵa qatysty jekelegen jaıttar bar. Búginde pedagogıkalyq JOO-lar tanymaldyqqa ıe emes ekendigi eshkimge qupııa  emes. Muǵalimderdiń jumysy barynsha kúrdeli ári jalaqysy tómen. Bala kezimde er-azamat muǵalimder kóp bolatyn jáne balalar olarǵa múldem basqasha qaraıtyn. Qazir bul jerde dısparıtet baıqalady. Búginde muǵalimderdiń jalaqysy men mártebesin júıeli túrde arttyrý sheshimi qabyldandy», - dedi B.Sultanov.

Onyń aıtýynsha, memlekettik-jekeshelik áriptestik tetikteri arqyly jan basyna qarjylandyrýdy engizýdiń arqasynda ákimdikte aıtarlyqtaı qarajat únemdelip otyr. Olar muǵalimderdiń jalaqysyn kóterýge jumsalady.

Shahar basshysy sondaı-aq Elbasynyń bilim mekemelerin vıdeokameralarmen jabdyqtaý tapsyrmasyna toqtaldy.

«Balalardyń qaýipsizdigi mańyzdy mindet sanalady. Aǵymdaǵy jyldyń sońyna deıin  biz oqý oryndaryn, onyń ishinde, ashanalardy 100 paıyz beınebaqylaý kameralarymen qamtamasyz etetin bolamyz»,- dedi B.Sultanov.

 

 

Joǵary qaraı