Aýa raıy
Astana 9 °S
Almaty 12 °S
valıýta baǵamy
USD 389.62
EUR 429.98
RUB 6.06
CNY 55.08

Birtanov dárigerlerdiń jalaqysyn taǵy kóterýge ýáde berdi

2019 jyldyń 18 maýsym 2019 16:44

NUR-SULTAN. QazAqparat - 2020 jyldyń aqpanyna qaraı elimizdegi 400 myń medıtsına qyzmetkeriniń jalaqysy taǵy 30 paıyzǵa artatyn bolady. Bul týraly búgin halyqpen eseptik kezdesý ótkizip jatqan QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Elbasy men Prezıdenttiń tapsyrmasyna sáıkes jalaqyny kóterý úshin barlyq qajetti sharalar osy aıdan bastap qabyldanatyn bolady. Adamdar qolyna naqty alatyn jalaqyny 30 paıyzǵa kóterýdi maqsat tutyp otyrmyz. Degenmen, munyń da ózindik erekshelikteri bar. Kópshilik, halyq ta densaýlyq saqtaý salasyndaǵy jalaqyny Densaýlyq saqtaý mınıstri nemese memleket bekitedi dep oılaýy múmkin. Al is júzinde, bul olaı emes. Biz medıtsınalyq uıymdarǵa kórsetken qyzmeti úshin tóleımiz. ıAǵnı, appendıtsıtti emdese onyń bekitilgen baǵasy bar. Ony tarıf dep aıtamyz jáne osy tarıf arqyly jalaqy shyǵyndaryn qalyptastyramyz. Biz osy tarıfti medıtsınalyq qyzmetkerlerge aqsha jetýi úshin arttyramyz», - dedi E.Birtanov.

Onyń aıtýynsha, ótken jyldyń ishinde dárigerlerdiń jalaqysyn arttyrý maqsatynda alǵashqy medıtsınalyq-sanıtarlyq kómek tarıfi 20 paıyzǵa kóterilgen. Alaıda, tarıftiń kóterilýi dárigerlerdiń jalaqysynyń kóterilýine esh áserin tıgize almaǵany anyqtalǵan.

«Bıyl biz jańa tetikpen jumys isteımiz. Birinshi kezekte áleýmettik medıtsınalyq saqtandyrý qory atalǵan aqshanyń barlyq medıtsınalyq ortalyqtarda maqsatqa saı paıdalanylýyn qadaǵalaıtyn bolady. Qor jalǵyz tóleýshi bolǵannan keıin, qosymsha talap qoıýǵa quqyly. Bul jumysqa kásipodaq federatsııalaryn tartamyz. Mundaı jumys barlyq álemde bar. Biz qarjylandyrýdy arttyramyz, al kásipodaqtar jalaqynyń artýyn talap etetin bolady. Bul syzbanyń jumys isteıtindigine senimdimin», - dedi ol.



null

Sonymen qatar ol bul jumysqa jergilikti atqarýshy organdardyń tarapynan baqylaý bolýy tıis ekendigin basa aıtty.

«Dál osy syzbamen jyl saıyn jalaqyny arttyrýdy qarastyryp otyrmyz. 2020 jyly jalaqyny taǵy 30 paıyzǵa kóterýdi josparlaýdamyz. Ol úshin aqsha bar, bul aqshany sizdermen birge jınadyq. Tolyqtaı alǵanda, aqpannan bastap kelesi jyldyń aqpanyna deıin barlyq salada jalaqy shamamen 70 paıyzǵa artatyn bolady. Bul 400 myń medıtsına qyzmetkerine qatysty», - dedi mınıstr.




null

Joǵary qaraı