Aýa raıy
Astana 14 °S
Almaty 20 °S
valıýta baǵamy
USD 386.70
EUR 427.15
RUB 6.06
CNY 54.57

Birqatar JOO rektorlary men «Astana Opera» basshysy konkýrstyq negizde taǵaıyndalady

2019 jyldyń 17 tamyz 2019 14:01

NUR-SULTAN. QazAqparat - Memleket basshysy respýblıkalyq deńgeıdegi birqatar uıymdardyń basshylaryn taǵaıyndaý tártibin qaıta qaraý týraly Jarlyqqa qol qoıdy, dep habarlaıdy QazAqparat Aqordaǵa silteme jasap.

Qazaqstan Prezıdenti Qasym-Jomart Toqaev ulttyq joǵary oqý oryndarynyń jáne Bas prokýratýra janyndaǵy Quqyq qorǵaý organdary akademııasynyń rektorlaryn, Qazaqstan Respýblıkasy Ulttyq murajaıynyń dırektory men «Astana Opera» memlekettik opera jáne balet teatrynyń basshysyn taǵaıyndaý tártibin qaıta qaraý týraly Jarlyqqa qol qoıdy.

Jarlyqqa sáıkes atalǵan mekemelerdiń birinshi basshylaryn tıisti salany jetekshilik etetin ýákiletti organdar taǵaıyndaıtyn bolady. Jaýapty laýazymdarǵa úmitkerlerdi irikteý konkýrs negizinde júrgiziledi.

Jańa taǵaıyndaý tártibi kelesi ulttyq joǵarǵy oqý oryndaryna qatysty:

Ál-Farabı atyndaǵy Qazaq ulttyq ýnıversıteti;

L.N. Gýmılev atyndaǵy Eýrazııa ulttyq ýnıversıteti;

Q.I. Sátbaev atyndaǵy Qazaq ulttyq tehnıkalyq zertteý ýnıversıteti;

Abaı atyndaǵy Qazaq ulttyq pedagogıkalyq ýnıversıteti;

Qazaq ulttyq agrarlyq ýnıversıteti;

Qurmanǵazy atyndaǵy Qazaq ulttyq konservatorııasy;

Qazaq ulttyq óner ýnıversıteti;

T.Q. Júrgenov atyndaǵy Qazaq ulttyq óner akademııasy;

S.J. Asfendııarov atyndaǵy Qazaq ulttyq medıtsınalyq ýnıversıteti;

Qazaq ulttyq horeografııa akademııasy;

Qazaq ulttyq qyzdar pedagogıkalyq ýnıversıteti.

Basty sózder: Qazaqstan Prezıdenti, Mádenıet,
Joǵary qaraı