Aýa raıy
Astana 25 °S
Almaty 29 °S
valıýta baǵamy
USD 384.52
EUR 431.32
RUB 6.10
CNY 55.89

Bilim berý mekemelerinde 50 basshynyń orny bos - Pavlodar oblysy

2019 jyldyń 19 aqpan 2019 17:41 856

PAVLODAR. QazAqparat - Pavlodar oblysyndaǵy tehnıkalyq jáne kásibı bilim berý uıymdarynda, balabaqshalar men mektepterde 50 dırektordyń orny bos tur, dep habarlaıdy pavlodarnews.kz.

Bul týraly óńirlik kommýnıkatsııalar qyzmetinde ótken baspasóz máslıhatynda oblystyq bilim berý basqarmasy basshysynyń orynbasary Roza Aqanova málim etti.

«Mektep dırektory bolý úshin test tapsyrǵan 65 adamnyń 41-i ótken. Bıyl qańtar-aqpan aılarynda barlyq tıptegi bilim berý mekemelerine dırektor bolýǵa úmitkerler testileýden ótti. Budan keıin reglament bekitilip, úmitkerdiń kandıdatýrasy qamqorshylyq keńespen kelisiledi. Ári qaraı oblystyq bilim berý basqarmasy basshysymen suhbat ótkennen keıin ǵana taǵaıyndalady. 2019 jyldyń kókteminde osy jańa erejege sáıkes bilim berý mekemeleriniń basshylary bekitiledi»,- deıdi Roza Aqanova.

Pavlodar oblysy boıynsha bilim salasyndaǵy baqylaý departamentiniń basshysy Erkinbek Aıazbaev úmitker testileýden ótpegen jaǵdaıda bir aıdan keıin qaıtadan tapsyra alatynyn aıtady. «Bul jerde memlekettik qyzmet júıesindegi tárizdi habarlama bolmasa da ashyq túrde attestatsııadan ótýge bolady», - deıdi Erkinbek Aıazbaev. «Aldaǵy ýaqytta pedagogıkalyq oqý oryndarynyń túlekterine de testileýden ótýge múmkindik beriledi. Bilim berý basqarmasynyń jańa formasyndaǵy sońǵy ózgeristerge baılanysty qamqorshylyq keńesterine memlekettik oqý mekemeleriniń basshylary laýazymyna úzdik kandıdattardy tikeleı tańdaý ókilettikteri berilgen».

Aıta keteıik, óńirde bilim berý júıesi 362 memlekettik jalpy bilim beretin mektepti, 49 tehnıkalyq jáne kásiptik bilim berý mekemesin qamtıdy. Mektepke deıingi bilim berý júıesinde 421 mektepke deıingi uıym jumys isteıdi. Onyń ishinde 172 balabaqsha jáne 249 shaǵyn ortalyq bar. 

 

Basty sózder: Bilim, Pavlodar oblysy,
Joǵary qaraı