Aýa raıy
Astana -2 °S
Almaty 6 °S
valıýta baǵamy
USD 389.98
EUR 434.01
RUB 6.10
CNY 55.04

Bıbisara Asaýbaeva Habıb Nýrmagomedovke shahmat úıretedi

2019 jyldyń 24 naýryz 2019 11:49

NUR-SULTAN. QazAqparat - Qazaqstandyq tanymal shahmatshy Bıbisara Asaýbaeva Túrkııada ótetin MASF halyqaralyq sporttyq-saýyqtyrý festıvaline qurmetti qonaq retinde qatysady. Bul jaıynda QazAqparat tilshisine Bıbisaranyń anasy Lıana Tańjaryqova aıtty.

«Túrkııada MASF dep atalatyn aýqymdy shara ótedi. Bul sportty qamtıtyn demalys sharasy. Ol jerde Habıb Nýrmagomedov, ákesi Abdýlmanap, Kostıa Tszıý syndy tanymal sportshylar sheberlik sabaqtaryn ótkizedi. Sondaı-aq ıogadan, gımnastıkadan, júzýdiń qyr-syry úıretiledi. Ataqty, tanymal sportshylar kóp qatysady. Atalǵan shara aıasynda Bıbisara MMA sportshylaryna, boksshylarǵa, festıval qatysýshylary men qonaqtaryna shahmattan birrettik oıyn seans ótkizedi», - dedi Lıana Tańjaryqova.

Aıta keteıik, 27 sáýir men 4 mamyr aralyǵynda Túrkııanyń Belek qalasynda aralas jekpe-jek pen sporttyq ómir saltyn jaqsy kóretinderge arnalǵan biregeı halyqaralyq sporttyq-otbasylyq festıval ótedi. Festıvalge UFC chempıony Habıb Nýrmagomedovpen birge qazaqstandyq jas shahmatshy Bıbisara Asaýbaeva da qurmetti qonaq retinde shaqyrylǵan. Munan bólek, festıvalge MMA, UFC, boks, BJJ, grepplıngten álemdik juldyzdar qatysady. Olardyń qatarynda qazaqstandyq sportshylar da bar.

Sondaı-aq festıval arasynda áýesqoı komandalar arasynda júlde qory 10 myń eýrony quraıtyn halyqaralyq fýtbol týrnıri ótedi.




null

Avtor Marlan Jıembaı
Basty sózder: Sport,
Joǵary qaraı