Aýa raıy
Astana 12 °S
Almaty 19 °S
valıýta baǵamy
USD 389.52
EUR 429.21
RUB 6.07
CNY 54.94

Beıjińde qazaqtyń ulttyq dástúri kórsetildi

2019 jyldyń 23 naýryz 2019 19:14

BEIJІŃ. QazAqparat - 23 naýryzda «Taıýan» dıplomattyq kompaýndta Beıjińde turatyn qazaqstandyqtar Naýryz meıramyn toılady, dep habarlaıdy «QazAqparat» HAA Qytaıdaǵy menshikti tilshisi.

Іs-shara shaǵyn fýtbol boıynsha týrnırmen bastaldy. Oǵan 40 adamnan quralǵan 6 komanda qatysty. Olardyń arasynda qazaqstandyq dıplomattar, Shanhaı yntymaqtastyq uıymy (ShYU) hatshylyǵynyń qyzmetkerleri, ulttyq kompanııa ókilderi men olardyń otbasy músheleri boldy.




QHR-daǵy QR Elshisi Shahrat Nýryshev barlyǵyn Naýryz meıramymen quttyqtap, jeńimpaz komandalar men týrnır júldegerlerin, úzdik oıynshylardy marapattap, baǵaly syılyqtar tabys etti. Dıplomat qazaqtyń «tusaý keser» dástúrin ótkizip, Alen Asqarulynyń tusaýyn kesti.

Jaıylǵan dastarhanǵa QR dıplomattary men ulttyq kompanııa ókilderiniń jubaılary ázirlegen qazaqtyń ulttyq taǵamdar (naýryz kóje, baýyrsaqtar, qazy-qarta jáne t.b.) qoıyldy. Úlkender men balalarǵa sporttyq jarystar - «kórisý», «arqan tartý», «teńge ilý» «oramal tastamaq», «tymaq urý», «saqına salý» uıymdastyryldy.




«Men 1976 jyly Almatyda dúnıege keldim. 1991 jyly Germanııaǵa qonys aýdaryp, qazir Qytaıda turyp jatyrmyn. Áz Naýryz meıramy barlyq adamdardy biriktiredi. Germanııada Naýryzdy Qazaqstannan qonys aýdarǵan basqa nemistermen birge toılaıtynbyz. Qytaıda da Naýryzdy merekeleýdi jalǵastyryp jatyrmyz», - dedi Dmıtrıı Flehner QazAqparatqa bergen suhbatynda.

Eske salaıyq, Beıjińde 21 naýryzda «Jıtan» ortalyq saıabaǵynda qazaq dıasporasynyń ókilderi Naýryz meıramyn atap ótti.

Basty sózder: Qytaı, Qoǵam,
Joǵary qaraı