Awa rayı
Astana -2 °S
Almatı 1 °S
valyuta bağamı
USD 366.86
EUR 424.49
RUB 5.60
CNY 53.02

Beyjіñ Olïmpïadasında top jarwğa bar küşіmdі salamın - frïstaylşı Ayawlım Ämrenova

2018 jıldıñ 13 aqpan 2018 21:00 1579

PXENÇXAN. QazAqparat - Bügіn Oñtüstіk Koreyadağı Qazaqstan baspasöz ortalığında frïstaylşı Ayawlım Ämrenova QazAqparat tіlşіsіne suxbat berіp bolaşaq armanı twralı ayttı, dep xabarlaydı QazAqparat tіlşіsі.

Ayawlım Ämrenova Pxençxanda ötken Olïmpïada oyındarında jüldelі orındarğa qol jetkіze almağan bolatın. Alayda, 16 jastağı qazaq qızı bolaşağınıñ alda ekenіn ayttı.

- Bul Olïmpïada oyınında sağan ne jetіspedі dep oylaysıñ?

- Men Olïmpïada oyındarına tuñğış ret qatısıp otırmın. Sondıqtan şığar eñ bіrіnşі täjіrïbe jetіspedі. Men üşіn doda ülken sınaq edі. Alayda, bağım janbadı. Men üşіn barlıq jeñіster alda. Buyırsa 2022-Beyjіñ Olïmpïadasında top jarwğa bar küşіmdі salamın. Jäne Beyjіñge eñ ülken dayındıqpen baramın.

- Qazaqstan quramasındağı eñ jas sportşılardıñ bіrі ekenіñіzdі jaqsı bіlemіz...

- Bïıl 16 jastamın. Bіraq, Pxençxan Olïmpïadasındağı sätsіzdіgіmdі jastığımmen baylanıstırğım kelmeydі. Özderіñіz jaña estіgendey baspasöz otırısında bapkerler menі «bolaşaq çempïonımız» dep äzіldep jatır. Ïä, awızdarına Alla salıp jatqan şığar. Bolaşaqta Olïmpïada şıñın bağındıramın degen ümіttemіn.

- Menіñ oyımşa, 16 jasta Olïmpïadağa qatıswdıñ özі ülken jetіstіk qoy...

- Ärïne, qısqı sporttı alğanda bunıñ özі ülken jetіstіk dep aytar edіm. Jasırarı joq, bіzdіñ elde qısqı sport türlerі säl keşіgіp damï bastadı. Endі-endі qazaqtıñ qaraköz uldarımen qızdarı qısqı sport türlerіne den qoyıp jatqanday boladı mağan. Solardıñ qatarında men de barmın.

- Jarıs kezіnde qobaljw boldı ma?

- Ärïne, alğaşı eñ іrі dodam ğoy. Ülken alamannıñ şañın kördіm. Endі, aldağı waqıttarda boy aldırğan qatelіkterіmmen jumıs jasap, özіmdі şıñdaytın bolamın.

- Köptegen eldіñ sportşıları osı frïstayl, mogwl, taw şañğısı sïyaqtı aşıq aspan astında ötetіn jarıstarda awa rayınıñ qolaysız bolğanı twralı şağımdanıp jatqan körіnedі. Sіzge bul jağı äser etpedі ma?

- Mağan awa rayı asa bіr qolaysızdıq twdırğan joq. Sondıqtan, jarıstağı sätsіzdіgіmdі awa rayına, bolmasa töreşіlerge ïtergіm kelmeydі. Tek özіmnіñ täjіrïbemnіñ azdığınan köremіn.

- Endі, aldağı josparıñ twralı ayta ketseñ?

- Alda maqsat köp. Sporttıñ sırtında oqwım bar. Bärіn sättі ayaqtağım keledі. Kelesі Olïmpïdağa deyіn älі tört jıl waqıt bar. Oğan deyіn mende ösemіn, täjіrïbem de tolısadı degen senіmdemіn. Sondıqtan, 2022- Beyjіñ menі küt degіm keledі. Olïmpïadada qoldaw bіldіrgen, janküyer bolğan barlıq otandastarıma alğıs aytamın.

- Äñgіmeñіzge raxmet!

 

 

Avtor: Künsultan Otarbay
Bastı sözder: Qoğam, Olïmpïada, Sport,
Joğarı qaray