Aýa raıy
Astana 6 °S
Almaty 9 °S
valıýta baǵamy
USD 389.86
EUR 435.32
RUB 6.12
CNY 55.12

Beıtanys adam Arnold Shvartsneggerge shabýyl jasady

2019 jyldyń 19 mamyr 2019 12:31

NUR-SULTAN. QazAqparat - Ońtústik Afrıka respýblıkasynda uıymdastyrylǵan sporttyq sharalardyń birinde belgisiz adam amerıkalyq kınoakter Arnold Shvartsneggerge shabýyl jasady. Bul týraly QazAqparat akterdiń Facebook paraqshasyna silteme jasap habarlaıdy.

Vıdeoda Kalıfornııa shtatynyń burynǵy gýbernatory, 71 jastaǵy akter Arnold Shvartsnegger stadıonda jankúıerlerimen sóılesip turǵan kezde beıtanys adam artynan kelip tepkeni baıqalady. Al akter bolsa oqıǵanyń mán jaıyn vıdeony kórgen soń biraq bilgen.

«Alańdap jatqandaryńyzǵa rahmet. Biraq alańdaıtyn eshteńe joq. Meni ádettegideı artymnan bir top adam ıterip jatqan shyǵar dep oıladym. Ne bolǵanyn sizder sııaqty vıdeony kórgen soń biraq bildim. Ol aqymaq meniń snapchatymdy (snapchat) úzbegenine qýanyshtymyn», - dep jazdy Arnold Shvartsnegger.

«Áleýmettik jelide jyldam tarap ketken vıdeojazba OAR Iohannesbýrg qalasynda senbi kúni túsirilgen. Shabýyl jasalǵan kezde akter fotoǵa túsip turǵan. Sharany uıymdastyrýshylardyń aıtýynsha, shabýyl jasaǵan adam polıtsııa qolyna tabystalǵan. BІraq akter oǵan qarsy aryz jazýdan bas tartqan», dep jazady VVS basylymy.

Avtordyń aıtýynsha, akter jankúıerlerin bul oqıǵany umytyp, Ońtústik Afrıka Respýblıkasyndaǵy sport problemalaryn oılaýǵa shaqyrǵan.

«Biz Ońtústik Afrıkada ArnoldSports platformasy aıasynda sporttyń toqsannan astam túrine, 24 myńnan astam sportshyǵa qoldaý bildiremiz. Solar týraly oılaıyq», - dep jazdy Arnold Shvartsnegger Twitter paraqshasynda.

Aıta ketý kerek, «Arnold Klassık Afrıka» sport festıvali jyl saıyn mamyr aıynda ótkiziledi.

Avtor Aıkúmis Bolatbek
Basty sózder: Álem,
Joǵary qaraı