Awa rayı
Nur-Sultan 6 °S
Almatı 16 °S
valyuta bağamı
USD 384.05
EUR 432.79
RUB 5.96
CNY 55.46

Bes memleket Kaspïy quqıqtıq märtebesі ayasında räsіmderdі orındap jatır

2019 jıldıñ 22 qañtar 2019 12:43 1370

ASTANA. QazAqparat - Bügіn Parlament Cenatı Xalıqaralıq qatınastar, qorğanıs jäne qawіpsіzdіk komïtetіnіñ keñeytіlgen otırısında «Kaspïy teñіzіnіñ quqıqtıq märtebesі twralı konvencïyanı ratïfïkacïyalaw twralı» zañ jobası talqılandı, dep xabarlaydı QazAqparat.

«Konvencïyağa 2018 jılğı 12 tamızda Aqtaw qalasında Qazaqstan, Äzerbayjan, Ïran, Resey jäne Türіkmenstan prezïdentterі qol qoydı. Bul qujattıñ qol qoyılwına 25 jılğa sozılğan kelіssözder sebepşі boldı. QR Prezïdentі Nursultan Nazarbaev Aqtaw sammïtіnde söz söylew kezіnde konvencïyanı Kaspïy teñіzіnіñ konstïtwcïyası dep atap, bul qujat öñіrdegі qawіpsіzdіk, turaqtılıq pen örkendewdіñ kepіlі dep mälіmdedі», - dep toqtaldı QR Sırtqı іster mïnïstrіnіñ bіrіnşі orınbasarı Muxtar Tіlewberdі.

Kaspïy teñіzіnіñ quqıqtıq märtebesі boyınşa mäseleler taraptardıñ ayrıqşa quzıretіne jatadı. Memleketterdіñ egemendіgіn, awmaqtıq tutastığın, täwelsіzdіgіn, egemendіk teñdіgіn qurmettew, küş nemese küşpen qorqıtwdı qoldanbaw, özara qurmet, ıntımaqtastıq, bіr-bіrіnіñ іşkі іsterіne aralaspaw sekіldі qağïdalar negіzіnde jüzege asıralatın boladı. Kaspïy teñіzіnіñ akvatorïyası ärtürlі quqıqtıq rejіmderde bolatın іşkі swlar, awmaqtıq swlar, balıq awlaw aymaqtarı jäne ortaq sw keñіstіgі belgіlendі. Awmaqtıq swlar enі 15 teñіz mïlіnen aspaydı. Al olardıñ sırtqı swları teñіzdegі memlekettіk şekaralar bolıp bekіtіldі.

Onıñ aytwınşa, Kaspïy teñіzіnіñ tübі men qoynawın sektorlarğa bölw jalpı moyındalğan qağïdalar men xalıqaralıq quqıqtıq normalardı nazarğa ala otırıp, şekaralas jäne qarama-qarsı ornalasqan memleketterdіñ wağdalastıqtarı boyınşa, yağnï müddelі memleketterdіñ arasındağı jeke kelіsіmder negіzіnde jüzege asırıladı.

«Bіzdegі aqparatqa säykes Kaspïy jağalawındağı barlıq memleketter konvencïyanı ratïfïkacïyalaw üşіn qajettі іşkі räsіmderdі orındawğa kіrіsіp kettі. Ötken jıldıñ 14 jeltoqsanında Türіkmenstan jağı onı ratïfïkacïyalaw procesіn ayaqtağanın xabarladı», - dedі M. Tіlewberdі.

Öz kezegіnde Xalıqaralıq qatınastar, qorğanıs jäne qawіpsіzdіk komïtetіnіñ törayımı Darïğa Nazarbaeva konvencïyağa qol qoyılw oqïğası ülken jetіstіk ekenіn atap öttі.

«Aqtawda tarïxï qujatqa qol qoyılğanın bіlesіzder. Köp jıldar boyğı jürgіzіlgen kelіssözder nätïjesіnde tïіstі jetіstіkke qol jetkіzdіk. Sondıqtan konvencïyağa qol qoyılw oqïğası tek bіzdіñ ğana emes, sonımen qatar barlıq Kaspïy mañı elderіnіñ jeñіsі», - dedі D. Nazarbaeva.

Talqılawdan keyіn komïtet müşelerі zañ jobasına qoldaw bіldіrіp, Senattıñ jalpı otırısına şığarw twralı şeşіm qabıldadı.

Esterіñіzge sala keteyіk, 2018 jıldıñ tamızında Kaspïy mañı memleketterіnіñ besіnşі sammïtіnde bes eldіñ basşısı Kaspïy teñіzіnіñ quqıqtıq märtebesі twralı konvencïyağa qol qoydı.

 

 

Avtor: Rwslan Ğabbasov
Bastı sözder: Zañ, Kaspïy, Parlament,
Joğarı qaray