Aýa raıy
Astana 10 °S
Almaty 10 °S
valıýta baǵamy
USD 389.59
EUR 429.06
RUB 6.05
CNY 55.07

Berdibek Saparbaev: Elbasynyń eńbegin laıyqty baǵalaý kerek

2019 jyldyń 21 naýryz 2019 16:10

ASTANA. QazAqparat - Jańa elordany qurý kezinde Elbasy Nursultan Nazarbaev ózine úlken jaýapkershilikti aldy. Bul týraly elordada Naýryz merekeleý kezinde QR Eńbek jəne halyqty əleýmettik qorǵaý mınıstri Berdibek Saparbaev málim etti, dep habarlaıdy QazAqparat tilshisi.

QR Parlamenti palatalarynyń birlesken otyrysynda tıisti sheshim qabyldanǵanyna toqtalǵan mınıstr, «Jalpy, bul bastamany durys dep oılaımyn. Elbasynyń eren eńbegi bar. Qalany elorda etken, dúnıejúzine tanytqan adam - ol Nursultan Nazarbaev. Sizder bilesizder, Astanada ómiri bolmaǵan sammıtter ótýde. Ómiri kezdespegen memleket basshylary Qazaqstanǵa kelip, ózara tatýlasyp jatqanyn kórip júrmiz. Eń negizgisi, osy Astana arqyly Qazaqstan, onyń ishinde qazaq halqy búkil álemge málim boldy. Qazir endi elordamyz əlemdegi eń ədemi ári sulý qalalardyń biri», - dedi.

Osy oraıda qıyn kezeńde, ıaǵnı 90-shy jyldary jańa astanany qurý týraly sheshim qabyldaý, mundaı zor jaýapkershilik alý ərkimniń qolynan kele bermeıtinin atap ótti.

«Ol úshin úlken júrektilik pen tabandylyq, senimdilik bolý kerek. Sonyń dáleli retinde jańa elodamyzdyń jasy qazir 20 jyldan asty. Sondyqtan bul durys sheshim, óıtkeni ol bolashaq úshin kerek. Jastar óz Otanyn, ultyn, memleketin súıip ósýi kerek jəne elge eńbek etken adamdardy da esh ýaqytta umytpaýymyz qajet. «Tarıhsyz bolashaq bolmaıdy» dep aıtamyz ǵoı, osy oraıda 20 naýryz kúni mańyzdy sheshim qabyldandy dep oılaımyn», - dedi Berdibek Saparbaev.

Budan buryn habarlanǵandaı, Prezıdent mindetin ýaqytsha atqarýǵa kirisken Qasym-Jomart Toqaev Astana qalasynyń ataýyn Nursultan dep ózgertý týraly usynys jasaǵan bolatyn.

Parlament Astananyń ataýyn Nursultan dep ózgertý týraly qujatty qabyldady.

Joǵary qaraı