Awa rayı
Nur-Sultan 22 °S
Almatı 27 °S
valyuta bağamı
USD 382.38
EUR 428.30
RUB 5.97
CNY 55.39

Berdіbek Saparbaev Elbasına älewmettіk salada atqarılıp jatqan jumıstardı bayandadı

2019 jıldıñ 21 mamır 2019 20:54 878

NUR-SULTAN. QazAqparat - Elbası Nursultan Nazarbaev Eñbek jäne xalıqtı älewmettіk qorğaw mïnïstrі Berdіbek Saparbaevtı qabıldadı, dep xabarlaydı Aqordanıñ baspasöz qızmetі.

Kezdeswde Qazaqstannıñ Tuñğış Prezïdentіne «Älewmettіk qamqorlıq» attı jaña älewmettіk şaralardı tüsіndіrw jönіndegі ükіmettіk jumıs tobınıñ qızmetі twralı mälіmdeldі.  

Nursultan Nazarbaev Berdіbek Saparbaevtıñ mïnïstrlіk aldına qoyılğan mіndetterdі şeşw üşіn mol täjіrïbesі men basqarw maşığı bar ekenіn atap öttі. 

- Täjіrïbeñіz köp. Mañızdı jumıstardı atqardıñız. Üş oblıstı basqardıñız. Jaqsı jumıs іstedіñіz. Köp sala boyınşa Aqtöbe oblısınıñ körsetkіşterіn köterdіñіz. Sіz mïnïstrlіkke osı saladağı jumıstardı jaqsartw üşіn tağayındaldıñız. Täjіrïbelі azamat kerek boldı. Xalqımızdıñ ïgіlіgі üşіn belgіlengen mäselelerdіñ bärіn şeşw qajet, - dedі Elbası.

Berdіbek Saparbaev Nursultan Nazarbaevqa mïnïstrlіk tarapınan qazaqstandıqtardıñ turmıs deñgeyіn köterwge bağıttalğan jaña älewmettіk şaralardı jüzege asırw üşіn atqarılıp jatqan jumıstar jönіnde äñgіmeledі.

Qazaqstannıñ Tuñğış Prezïdentі muqtaj adamdarğa kömek körsetw üderіsіne tïіstі baqılaw jasawdıñ qajettіgіn atap öttі.

- Qazіr älewmettіk salağa bölіnetіn qarajat memleket tabısınıñ jartısına jwığın quraydı. Barlıq jumıstı jüyelendіrw qajet. Eñ aldımen, azamattarımız jumıs orındarımen qamtılwı tïіs. Ärïne, belgіlі bіr jağdaylarğa baylanıstı jumıs іstey almaytındar bar. Bіz solarğa kömekteswіmіz kerek, - dedі Elbası.

Sonımen qatar, B. Saparbaev öñіrlerde turğın üy mäselelerіn şeşw jäne erekşe qamqorlıqqa muqtaj adamdarğa qoldaw körsetw üşіn atqarılıp jatqan jumıstar twralı bayandadı.

Mïnïstr bïznestіñ älewmettіk jawapkerşіlіgі qağïdatın jüzege asırw ayasında käsіpkerlermen bіrge qolğa alınıp jatqan şaralar twralı ayttı.

Berdіbek Saparbaev, sonday-aq, köşі-qon jäne köpbalalı otbasılar men oralmandarğa qoldaw körsetw mäselelerіne toqtaldı.

Soñında Nursultan Nazarbaev mïnïstrlіk tarapınan atqarılıp jatqan jumıstardıñ mañızdılığına toqtalıp, belgіlengen mіndetterdі tïіmdі şeşw qajettіgіn atap öttі.           

 

 

 

Joğarı qaray