Aýa raıy
Astana 8 °S
Almaty 9 °S
valıýta baǵamy
USD 389.98
EUR 434.01
RUB 6.10
CNY 55.04

Berdibek Saparbaev Elbasyna áleýmettik salada atqarylyp jatqan jumystardy baıandady

2019 jyldyń 21 mamyr 2019 20:54

NUR-SULTAN. QazAqparat - Elbasy Nursultan Nazarbaev Eńbek jáne halyqty áleýmettik qorǵaý mınıstri Berdibek Saparbaevty qabyldady, dep habarlaıdy Aqordanyń baspasóz qyzmeti.

Kezdesýde Qazaqstannyń Tuńǵysh Prezıdentine «Áleýmettik qamqorlyq» atty jańa áleýmettik sharalardy túsindirý jónindegi úkimettik jumys tobynyń qyzmeti týraly málimdeldi.

Nursultan Nazarbaev Berdibek Saparbaevtyń mınıstrlik aldyna qoıylǵan mindetterdi sheshý úshin mol tájirıbesi men basqarý mashyǵy bar ekenin atap ótti.

- Tájirıbeńiz kóp. Mańyzdy jumystardy atqardyńyz. Úsh oblysty basqardyńyz. Jaqsy jumys istedińiz. Kóp sala boıynsha Aqtóbe oblysynyń kórsetkishterin kóterdińiz. Siz mınıstrlikke osy saladaǵy jumystardy jaqsartý úshin taǵaıyndaldyńyz. Tájirıbeli azamat kerek boldy. Halqymyzdyń ıgiligi úshin belgilengen máselelerdiń bárin sheshý qajet, - dedi Elbasy.

Berdibek Saparbaev Nursultan Nazarbaevqa mınıstrlik tarapynan qazaqstandyqtardyń turmys deńgeıin kóterýge baǵyttalǵan jańa áleýmettik sharalardy júzege asyrý úshin atqarylyp jatqan jumystar jóninde áńgimeledi.

Qazaqstannyń Tuńǵysh Prezıdenti muqtaj adamdarǵa kómek kórsetý úderisine tıisti baqylaý jasaýdyń qajettigin atap ótti.

- Qazir áleýmettik salaǵa bólinetin qarajat memleket tabysynyń jartysyna jýyǵyn quraıdy. Barlyq jumysty júıelendirý qajet. Eń aldymen, azamattarymyz jumys oryndarymen qamtylýy tıis. Árıne, belgili bir jaǵdaılarǵa baılanysty jumys isteı almaıtyndar bar. Biz solarǵa kómektesýimiz kerek, - dedi Elbasy.

Sonymen qatar, B. Saparbaev óńirlerde turǵyn úı máselelerin sheshý jáne erekshe qamqorlyqqa muqtaj adamdarǵa qoldaý kórsetý úshin atqarylyp jatqan jumystar týraly baıandady.

Mınıstr bıznestiń áleýmettik jaýapkershiligi qaǵıdatyn júzege asyrý aıasynda kásipkerlermen birge qolǵa alynyp jatqan sharalar týraly aıtty.

Berdibek Saparbaev, sondaı-aq, kóshi-qon jáne kópbalaly otbasylar men oralmandarǵa qoldaý kórsetý máselelerine toqtaldy.

Sońynda Nursultan Nazarbaev mınıstrlik tarapynan atqarylyp jatqan jumystardyń mańyzdylyǵyna toqtalyp, belgilengen mindetterdi tıimdi sheshý qajettigin atap ótti.

Joǵary qaraı