Awa rayı
Nur-Sultan 11 °S
Almatı 12 °S
valyuta bağamı
USD 378.56
EUR 424.44
RUB 5.91
CNY 56.36

Belgіlі qazaqstandıq boksşılar Almatıdağı boks keşіnde özderіne qoldaw bіldіrwge şaqırdı

2019 jıldıñ 24 nawrız 2019 12:44 636

ALMATI. QazAqparat - Tanımal otandıq bılğarı qolğap şeberlerі Aydos Erbosınulı, Nursultan Jañabaev pen Sadrïddïn Axmedov boks keşіne dayındıq barısı jaylı aytıp berіp, qazaqstandıqtardı Almaty Arena sport keşenіnde ötetіn şowğa kelwge şaqırdı. Bul twralı QazAqparat tіlşіsі xabarlaydı.

«Bіz bul şarağa dayındıqtı erte bastap kettіk. 17 nawrız künі Nursultan Jañabaevpen jäne bapkerlerіmіzben bіrge Londonnan keldіk. Onda oqw-jattığw jïının ötkіzіp, tegewrіndі qarsılastarmen sparrïngterge  şıqtıq, texnïkalıq jäne taktïkalıq şeberlіgіmіzdі şıñdadıq... Barlığın 24 nawrız künі boksqa şaqıramın. Bіz qazaq boks mektebіnіñ şınayı küşіn paş etwge tırısamız. Kelіñіzder, ökіnbeysіzder», - dedі älemdіk bokstıñ bolaşaq jarqın juldızı Aydos Erbosınulı (10 kezdeswde - 10 jeñіs).

Nursultan Jañabaev ta іs-şara öte joğarı deñgeyde ötetіndіgіne senіm bіldіrdі. 

«Öz jerіñde öner körsetw qaşanda ıntalandıradı ärі qosımşa jawapkerşіlіk jükteydі. Menіñ qarsılasım Venesweladan keletіn boksşı, qaşıqtıqtı ustay bіledі, joyqın soqqı jasay aladı. Bapkerіm Sağatbek Musaxanovpen bіrge bіz onıñ küştі jäne älsіz tustarın zerdelep, aldağı kezdeswge öz josparımızdı qurdıq. Eger qarsılastı qulatwğa mümkіndіk twıp jatsa, mіndettі türde onı nokawtqa jіberemіn», - dep atap öttі Nursultan Jañabaev. 

Sadrïddïn Axmedov twğan jerіndegі alğaşqı jekpe-jegіnde de buğan deyіngі jetі kezdeswіndegіdey qarsılasın nokawtqa jіberwge tırısatının mälіmdedі.

«Eñ bіrіnşі mіndet - Qazaqstan boks mektebіnіñ şınayı qayratın körsetw. Uyımdastırwşılarğa osınday mümkіndіk berіp otırğanı üşіn alğıs bіldіrgіm keledі. Öz Otanımda öner körsetetіnіme öte qwanıştımın», - dedі qazaqstandıq nokawter.

Eske sala keteyіk, іrі sporttıq şara Almaty Arena köpbeyіndі sport keşenіnde ötedі. Uyımdastırwşılar umıtılmas şow boladı dep wäde berіp otır.

Boks keşіnde şarşı alañda Qazaqstan namısın Aydos Erbosınulı, Sadrïddïn Axmedov, Nursultan Jañabaev, Dastan Sadwulı, Eskendіr  Xarsan, Asqat Jantursınov pen Dïas Tastemіrov qorğaydı.

Avtor: Elaman Turısbekov

 

 

Bastı sözder: Sport, Almatı,
Joğarı qaray