Aýa raıy
Astana 6 °S
Almaty 12 °S
valıýta baǵamy
USD 389.59
EUR 429.06
RUB 6.05
CNY 55.07

Belgili qazaqstandyq boksshylar Almatydaǵy boks keshinde ózderine qoldaý bildirýge shaqyrdy

2019 jyldyń 24 naýryz 2019 12:44

ALMATY. QazAqparat - Tanymal otandyq bylǵary qolǵap sheberleri Aıdos Erbosynuly, Nursultan Jańabaev pen Sadrıddın Ahmedov boks keshine daıyndyq barysy jaıly aıtyp berip, qazaqstandyqtardy Almaty Arena sport kesheninde ótetin shoýǵa kelýge shaqyrdy. Bul týraly QazAqparat tilshisi habarlaıdy.

«Biz bul sharaǵa daıyndyqty erte bastap kettik. 17 naýryz kúni Nursultan Jańabaevpen jáne bapkerlerimizben birge Londonnan keldik. Onda oqý-jattyǵý jıynyn ótkizip, tegeýrindi qarsylastarmen sparrıngterge shyqtyq, tehnıkalyq jáne taktıkalyq sheberligimizdi shyńdadyq... Barlyǵyn 24 naýryz kúni boksqa shaqyramyn. Biz qazaq boks mektebiniń shynaıy kúshin pash etýge tyrysamyz. Kelińizder, ókinbeısizder», - dedi álemdik bokstyń bolashaq jarqyn juldyzy Aıdos Erbosynuly (10 kezdesýde - 10 jeńis).

Nursultan Jańabaev ta is-shara óte joǵary deńgeıde ótetindigine senim bildirdi.

«Óz jerińde óner kórsetý qashanda yntalandyrady ári qosymsha jaýapkershilik júkteıdi. Meniń qarsylasym Venesýeladan keletin boksshy, qashyqtyqty ustaı biledi, joıqyn soqqy jasaı alady. Bapkerim Saǵatbek Musahanovpen birge biz onyń kúshti jáne álsiz tustaryn zerdelep, aldaǵy kezdesýge óz josparymyzdy qurdyq. Eger qarsylasty qulatýǵa múmkindik týyp jatsa, mindetti túrde ony nokaýtqa jiberemin», - dep atap ótti Nursultan Jańabaev.

Sadrıddın Ahmedov týǵan jerindegi alǵashqy jekpe-jeginde de buǵan deıingi jeti kezdesýindegideı qarsylasyn nokaýtqa jiberýge tyrysatynyn málimdedi.

«Eń birinshi mindet - Qazaqstan boks mektebiniń shynaıy qaıratyn kórsetý. Uıymdastyrýshylarǵa osyndaı múmkindik berip otyrǵany úshin alǵys bildirgim keledi. Óz Otanymda óner kórsetetinime óte qýanyshtymyn», - dedi qazaqstandyq nokaýter.

Eske sala keteıik, iri sporttyq shara Almaty Arena kópbeıindi sport kesheninde ótedi. Uıymdastyrýshylar umytylmas shoý bolady dep ýáde berip otyr.

Boks keshinde sharshy alańda Qazaqstan namysyn Aıdos Erbosynuly, Sadrıddın Ahmedov, Nursultan Jańabaev, Dastan Sadýuly, Eskendir Harsan, Asqat Jantursynov pen Dıas Tastemirov qorǵaıdy.

Avtor: Elaman Turysbekov

Basty sózder: Almaty, Sport,
Joǵary qaraı