Aýa raıy
Astana -8 °S
Almaty -2 °S
valıýta baǵamy
USD 388.81
EUR 429.01
RUB 6.08
CNY 55.49

Belarýs Prezıdentiniń Qazaqstanǵa saparynyń maqsaty belgili boldy

2019 jyldyń 21 qazan 2019 17:23

NUR-SULTAN. QazAqparat – QR Syrtqy ister mınınstriligi Belarýs Prezıdenti Aleksandr Lýkashenkonyń Qazaqstanǵa saparynyń maqsatyn aıtty, dep habarlaıdy QazAqparat tilshisi.

«24-25 qazanda Belarýs Respýblıkasynyń Prezıdenti Aleksandr Lýkashenkonyń Qazaqstan Respýblıkasyna resmı sapary ótedi. Belarýs Prezıdentiniń saparyn ótkizýdiń negizgi maqsaty – eki memleket arasyndaǵy qatynastardy qarqyndy damytý jáne saýda-ekonomıkalyq yntymaqtastyqty tereńdetýge basa nazar aýdara otyryp, ózara is-qımyldyń barlyq spektri boıynsha dástúrli dostyq Qazaqstan-Belarýs baılanystaryna qosymsha serpin berý», - dedi QR Syrtqy ister mınıstrliginiń resmı ókili Aıbek Smadııarov

Kelissózder barysynda halyqaralyq jáne óńirlik máseleler boıynsha syrtqy saıası baǵyttaǵy ózara is-qımyl sharalary, ıngeratsııalyq birlestikter men kópjaqty uıymdardaǵy eki eldiń qyzmeti, sondaı-aq Qazaqstan-Belarýs yntymaqtatyǵyn odan damytý perspektıvalary talqylanady.

«Taraptar saýda-ekonomıkalyq, taranzıttik-kóliktik jáne otyn-energetıkalyq yntymaqtastyqty, ónerkásiptik kooperatsııany, ІT jáne joǵary tehnologııalar salasyndaǵy ózara is-qımyldy keńeıtýdiń birlesken tásilderin qarastyrady. Kelissózder qorytyndysy boıynsha, memleket basshylary birlesken málimdeme qabyldap, yntymaqtastyqtyń túrli salalaryndaǵy birqatar ekijaqty kelisimderge qol qoıady dep kútilýde. Sonymen qatar, sapar aıasynda Qazaqstan-Belarýs bıznes-forýmy ótip, onyń barysynda kásipkerlik qoǵamdastyqtyń aldynda turǵan perspektıvalar men mindetter talqylanady», - dedi resmı ókil.
Joǵary qaraı