Aýa raıy
Astana 7 °S
Almaty 15 °S
valıýta baǵamy
USD 389.59
EUR 429.06
RUB 6.05
CNY 55.07

Baıqońyrda dinı arazdyq týdyrǵan azamat sottaldy

2019 jyldyń 21 mamyr 2019 21:51

BAIQOŃYR. QazAqparat - Baıqońyr qalalyq sotynda áleýmettik jeli arqyly dinı arazdyq týdyrǵan 32 jastaǵy azamatqa qatysty sot úkimi shyqty, dep habarlaıdy QazAqparat tilshisi.

Qyzylorda oblystyq polıtsııa departamentiniń qyzmetkerleri byltyr maýsym aıynda ınternet jelisine monıtorıng júrgizý barysynda dinı alaýyzdyqty qozdyrýǵa baǵyttalǵan ýaǵyz taratýmen aınalysqan azamatty anyqtady. Ol ǵalamtordaǵy «VKontakte» áleýmettik jelisindegi óz paraqshasy arqyly destrýktıvti dinı aǵymnyń ıdeologtarynyń halyq arasynda dinı alaýyzdyqty qozdyrýǵa baǵyttalǵan ýaǵyzdaryn taratqan.

«Bul derek boıynsha atalǵan azamatqa qatysty QR Qylmystyq kodeksiniń 174-babynyń 1-bóligimen sotqa deıingi tergep-tekserý júrgizildi. Baıqońyr qalalyq sotymen quqyq buzýshy kináli dep tanyldy», - dep málim etti Qyzylorda oblystyq polıtsııa departamentiniń baspasóz qyzmeti.

Baıqońyr qalalyq sotymen úkimimen onyń 3 jylǵa bas bostandyǵynan shekteldi. Sondaı-aq, ol probatsııalyq baqylaýǵa alyndy.

Budan buryn Qyzylordada mas áıel jasóspirimge kúsh qoldanbaq bolǵanyn habarlaǵan edik.

Joǵary qaraı