Aýa raıy
Astana -2 °S
Almaty 4 °S
valıýta baǵamy
USD 389.98
EUR 434.01
RUB 6.10
CNY 55.04

Batysqazaqstandyqtar Kórisý kúnin kıeli orynda atap ótti

2019 jyldyń 14 naýryz 2019 19:51

ORAL. QazAqparat - Batys Qazaqstan jurtshylyǵy Kórisý kúnin Syrym aýdany Toǵanas aýyldyq okrýginde ornalasqan Jumaǵazy haziret - Dádem ata mekeninde atap ótti, dep habarlaıdy QazAqparat tilshisi.

Jumaǵazy haziret jerlengen meken - Qazaqstannyń kıeli oryndarynyń qataryna Batys Qazaqstan oblysynan engizilgen nysannyń biri.

Munda ulttyq salt-dástúrdi jańǵyrtý, el birligin nyǵaıtý maqsatynda sońǵy jyldary Kórisý kúnine oraı «Dádem ata - Jumaǵazy haziret» qoǵamdyq qorynyń (tóraǵasy Ǵarıpolla Janbozov) qoldaýymen merekelik sharalar udaıy uıymdastyrylyp keledi.

Bıyl da kıeli mekenge halyq jınalyp, qystan aman-saý shyǵyp jatqan aǵaıyn bir-birimen qushaq jaıyp, qýana kóristi.

Batysqazaqstandyq ǵalym, tarıh ǵylymdarynyń kandıdaty Dámetken Súleımenova Kórisý kúniniń shyǵý tarıhyna toqtaldy. Mysaly, 14 naýryz eskishe jyl sanaý boıynsha 1 naýryzǵa keledi. Qazaq halqynyń ejelden tynys-tirshiligi negizinen mal sharýashylyǵyna baılanysty bolǵandyqtan, alty aı qystan aman shyǵý aıryqsha qýanysh sanalǵan. Mal-jannyń amandyǵyn oılaǵan el kóktemge jetkende, jadyrańqy kóńilmen qaýyshqan. Ókpe-renishteri bolsa, keshirgen.




null

Sharany uıymdastyrýshylardyń biri, «Telegeı» qoǵamdyq birlestiginiń tóraǵasy Nurlan Sádir jyl boıy basynan kisi arylmaıtyn osynaý kıeli mekendi rýhanı ortalyqqa aınaldyrǵylary keletinin jetkizdi.

Kórisý kúni, ólke shejiresine oraı áńgimeler aıtylyp, belgili dombyrashy Edige Nábıev kúı shertti.Naýryzǵa oraı tanymal jyrshy Farhat Orazov jyr-terme oryndady.




null

Kórisý kúnine arnalǵan merekelik sharalar Oral qalasy men oblys aýdandarynda da uıymdastyryldy.




null

Joǵary qaraı