Awa rayı
Nur-Sultan 14 °S
Almatı 18 °S
valyuta bağamı
USD 383.69
EUR 429.08
RUB 5.97
CNY 55.39

Batıs Qazaqstanda stwdent menïngïtke şaldıqtı

2019 jıldıñ 21 mamır 2019 17:51 667

ORAL. QazAqparat  - Batıs Qazaqstan oblısında stwdent menïngïtpen awırdı, dep xabarlaydı QazAqparat tіlşіsі.

BQO qoğamdıq densawlıq saqtaw departamentіnen tüsken mälіmetke qarağanda, bul - bïılğı bіrіnşі jağday. 17 mamır künі Zelenov awdanı Maxambet awılınıñ turğını, Oral qalasındağı joğarı oqw ornı stwdentіnіñ menïngokokk juqpasına şaldıqqanı anıqtaldı.

2015 jılı osınday 13 jağday tіrkelіp, onıñ ekewі ölіmge aparıp soqtırğan bolatın. Ötken jılı bul awrw tіrkelgen joq.

Ayta keteyіk, menïngokokk ïnfekcïyası - nazofarïngït (murın men jutqınşaqtıñ qabınwı), menïngït (mï qabıqtarınıñ qabınwı) jäne menïngokokk sepsïsі (qannıñ zararlanwı) sekіldі türlі klïnïkalıq belgіlerі bar, bakterïyalar qozdıratın jіtі juqpalı awrw.

Belgіlerі: menïngït tez bastaladı, kürt bas awırıp, adam qusadı, 6-15 sağattan keyіn börtpe payda boladı. Dene qızwı 39-40 °S-qa köterіlіp, nawqas qaltıraydı. Terі bozarıp, adam älsіzdenіp, arqa men ayaq-qolında awrw sezіledі. Nawqas şöldep, täbetі tömendeydі. Awrw tumaw, baspa, ädettegі salqın tïyu awrwları sekіldі jeñіl türde ötwі mümkіn. Adamnıñ qorğanış küşterі älsіregende, menïngokokk mïğa ötіp, qabınw bastaladı.

Ïnfekcïya közі - awrw adam jäne klïnïkalıq belgіlerі bolmağanmen, menïngokokk tasımaldawşılar da kezdesedі. Awrwdıñ alğaşqı belgіlerі bayqalğan boyda bіrden därіgerge körіnw qajet.

 

 

 

Joğarı qaray