Awa rayı
Astana 4 °S
Almatı 20 °S
valyuta bağamı
USD 378.17
EUR 429.11
RUB 5.88
CNY 56.48

Batıs Qazaqstanda qıstaqqa qasqır kіrіp kettі

2019 jıldıñ 22 aqpan 2019 17:15 1330

ORAL. QazAqparat  - Batıs Qazaqstan oblısında qasqır qıstaqqa kіrіp kettі, dep xabarlaydı QazAqparat tіlşіsі.

Oqïğa Bökey ordası awdanı Saraljın awıldıq okrwgіne qarastı «Kerіbay» qıstağında orın aldı. Awıldıq okrwg äkіmі Nürken Sabïrovtıñ aytwınşa, sol qıstaqtı qonıstanıp otırğan Esbol Xamïtovtan mezgіlsіz kelgen «qonaq» jönіnde xabar tüsken. Awıldan añşılar kömekke barğanşa, sol qıstaqtağı jіgіtter tüz tağısın ayırmen soğıp alğan.

E.Xamïtovtıñ sol qıstaqta turatın kömekşіsі Bekjan Bajenovtіñ sözіne qarağanda, malğa şapqan qasqır sarayğa kіrіp ketken.

«Qasqır sarayğa kіrіp, küşіgіmіzdі talap, öltіrіp tastadı. Bіz Esentay Esenğalïev ekewmіz qasqırdı ayırmen tüyrep öltіrdіk. Keyіn küşіk ekewіn örtep jіberdіk», - dedі QazAqparat tіlşіsіne B.Bajenov.

Bіr ayta ketetіn jayt, B.Bajenovtіñ äkesі  Ğalımjan Bajenov - kezіnde añşı, qasqırşı bolğan, qazіr sol awılda ïmam. 

Bïıl öñіrde qıs qarlı ärі borandı bolıp tur. Bügіn de Saraljın awılında burqasın soğıp tur.

 

Joğarı qaray