Awa rayı
Astana 9 °S
Almatı 14 °S
valyuta bağamı
USD 352.54
EUR 415.15
RUB 5.31
CNY 51.53

Bas zañger päter satıp alamın dewşіlerge keñes berdі

2018 jıldıñ 22 mawsım 2018 11:44 1224

ASTANA. QazAqparat - QR Ädіlet mïnïstrі Marat Beketaev üleskerlіk qurılısqa qatısatın azamattarğa öz aqıl-keñesіn berdі, dep xabarlaydı QazAqparat tіlşіsі.

"Aşığın aytw kerek, qarjı dağdarısına deyіn bolğan alayaqtıqtan bіraz adamdar zardap şektі. Memleket te küyіp qaldı. Qazіr zañnamada barlıq mäseleler eskerіldі. Qurılıs kompanïyasında qajettі qarjı ğana emes, ruqsat qağazdarı da bolwı şart. Sosın onıñ qızmetі qatañ baqılanadı. Basqalar üleskerlerdіñ qarjısın tarta almaydı", - dedі M.Beketaev xalıqqa esep berw kezdeswі kezіnde.

Mïnïstrdіñ aytwınşa, üleskerlіk qurılısqa qatısqanda kompanïyanıñ barlıq ruqsat qağazdarın qarap şıqqan durıs. Budan bölek, kelіsіmşarttı muqïyat oqw qajet. "Sosın käsіbï advokattan nemese zañgerden keñes alğan da artıq bolmaydı. Oğan aqşanı ayamañızdar. Äytpese, sarañdıqtıñ kesіrіnen ekі ese şığın şığarwğa twra keledі", - dep atap körsettі M.Beketaev.

Ayta keteyіk, kezdesw kezіnde mïnïstr sot orındawşılarınıñ qızmetіne qatıstı zañ jobasınıñ Parlamenttіñ qarawında jatqanın jetkіzdі. "Atap aytqanda, sot orındawşılarınıñ qızmetіne sankcïya salwdı qısqartw twralı usınıs bar. Bılayşa aytqanda, atalğan ïnstïtwttı damıtw şaraları jalğasa beredі. Sot orındawşıların jawapkerşіlіkke tartw tetіkterі de qaladı. Bіraq ökіlettіlіkterdіñ bіraz bölіgі sottan sot orındawşılarına berіledі", - deydі M.Beketaev

 

 

 

Avtor: Arman Asqarov
Bastı sözder: Turğın üy, Zañ,
Joğarı qaray