Aýa raıy
Astana 19 °S
Almaty 30 °S
valıýta baǵamy
USD 386.05
EUR 428.25
RUB 5.84
CNY 54.65

Bas prokýratýra zańsyz mıtıngilerden bas tartýǵa shaqyrady

2019 jyldyń 7 maýsym 2019 18:36 1110

NUR-SULTAN. QazAqparat - QR Bas prokýrorynyń orynbasary Bolat Dembaev ruqsat etilmegen aktsııalarǵa shaqyrǵany, uıymdastyrǵany, qatysqany úshin jaýapkershilik qarastyrylǵanyn eskertti, dep habarlaıdy QazAqparat.

«Áleýmettik jelilerde 9 jáne 10 maýsymda ruqsat etilmegen mıtıngilerdi uıymdastyrýǵa jáne olarǵa qatysýǵa shaqyrýlar taratylýda», delingen QR Bas prokýrorynyń orynbasary Bolat Dembaev «Prokýratýra týraly» zańnyń 31-babyna sáıkes jasaǵan úndeýinde.

Ol qoǵamdyq tártipti, turǵyndardyń ómiri men densaýlyqtarynyń qaýipsizdigin qamtamasyz etý maqsatynda zańnyń normalaryna nazar aýdardy.

«Mıtıngilerdi uıymdastyrý jáne ótkizý tártibi «Qazaqstan Respýblıkasynda beıbit jınalystar, mıtıngiler, sherýler, pıketter jáne demonstratsııalar uıymdastyrý men ótkizý tártibi týraly» Qazaqstan Respýblıkasynyń zańymen retteledi.

Mundaı jarııa is-sharalar jergilikti atqarýshy organdardy aldyn ala habardar etýmen olardan ruqsat alý arqyly arnaıy belgilengen oryndarda, turǵyndardyń tynys-tirshiligin qamtamasyz etý obektileriniń qalypty jumys isteýine kedergi keltiretin jaǵdaılardy boldyrmaý sharalaryn qoldana otyryp júrgizilýi tıis.

Ruqsat etilmegen aktsııalarǵa shaqyrǵany, uıymdastyrǵany, qatysqany úshin Ákimshilik quqyq buzýshylyq týraly kodekstiń 488-baby boıynsha jaýaptylyq týyndaıdy», delingen habarlamada.

Onyń aıtýynsha, bul áreketter eleýli zalal keltirse, onda kináliler Qylmystyq kodekstiń 400-baby boıynsha jaýaptylyqqa tartylady.

«Bas prokýratýra azamattardy taǵy da zańdy múltiksiz saqtaýǵa, arandatýshylyqqa berilmeýge jáne zańsyz aktsııalarǵa qatysýdan bas tartýǵa shaqyrady», delingen habarlamada.

 

Joǵary qaraı