Aýa raıy
Astana 17 °S
Almaty 12 °S
valıýta baǵamy
USD 386.80
EUR 429.27
RUB 5.78
CNY 54.89

Bas prokýratýra sherýlerge qatysty túsinikteme berdi

2019 jyldyń 12 maýsym 2019 09:22 1201

NUR-SULTAN. QazAqparat - QR Bas prokýratýrasy sherýlerge qatysty túsinikteme berdi, dep habarlaıdy QazAqparat vedomstvonyń baspasóz qyzmetine silteme jasap. 

«Bas prokýratýra elimizde zańsyz jarııa aktsııalarǵa jol berilmeıtindigi týraly birneshe ret eskertken bolatyn. Alaıda, jekelegen adamdar zańdy talaptarǵa baǵynbaı, polıtsııa qyzmetkerlerin arandatyp, olarǵa shabýyl jasady. Júrginshilerdiń, áıelder men balalardyń ómiri men densaýlyǵyna qaýip tóndirdi», delingen habarlamada.

Bas prokýratýranyń málimdeýinshe, osyǵan baılanysty, quqyq qorǵaý organdary qoǵamdyq tynyshtyqty saqtaýǵa jáne azamattardy qorǵaýǵa baǵyttalǵan sharalar qabyldaǵan. Bul rette arnaıy quraldar qoldanylmaǵan. Quqyq buzýshylar polıtsııaǵa jetkizilip, sot tártibinde ákimshilik jaýaptylyqqa tartylǵan.

«Zańsyz aktsııalarǵa jáne tyıym salynǵan uıymdardyń qyzmetine qatysý Qazaqstan Respýblıkasy Ákimshilik quqyq buzýshylyq týraly kodeksiniń 488-babyna, Qylmystyq kodeksiniń 400 jáne 405-baptaryna sáıkes jaýaptylyqqa ákep soǵatynyn túsindiremiz. 

Quqyq qorǵaý organdary budan ári de osyndaı buzýshylyqtarǵa jol bermeıtin jáne olardy boldyrmaý úshin zańmen kózdelgen sharalardy qabyldaıtyn bolady», delingen habarlamada.

 

 

 

 

Joǵary qaraı