Aýa raıy
Astana 16 °S
Almaty 17 °S
valıýta baǵamy
USD 386.34
EUR 427.25
RUB 5.88
CNY 54.57

Bas prokýratýra: Áleýmettik jelide jasyryn úgit jumystary baıqalady

2019 jyldyń 9 maýsym 2019 12:40 1241

NUR-SULTAN. QazAqparat - Áleýmettik jelide belgili bir kandıdatqa jasyryn úgit jumystary baıqalady. Bul týraly búgin QR Bas prokýrorynyń orynbasary Bolat Dembaev aıtty, dep habarlaıdy QazAqparat tilshisi.

"Ózderińiz de biletindeı, saılaý kúninde saılaý aldy úgit-nasıhatyn júrgizýge tyıym salynǵan. Bul úshin jeke tulǵalarǵa 15 AEK, zańdy tulǵalarǵa 30 AEK kóleminde aıyppul qarastyrylǵan. Qazirgi ýaqytta tyıym salynǵanyna qaramastan jekelegen azamattardyń  áleýmettik jelide jasyryn túrde úgit júrgizýi baıqalady. Azamattyń daýys berip, bıýlletenin sýretke túsirip jarııa etý derekteri bar. Bul úgit sanalady", - dedi Bas prokýrordyń orynbasary Ortalyq saılaý komıssııasyndaǵy brıfıngte.

Onyń aıtýynsha, baıqaýshylar otyrysy hattamasynyń jarııa etilý deregi bar. Zańǵa sáıkes  baıqaýshy hattamamen tek qana tanysýy qajet.

"Biraq, olar ony BAQ-ta  jáne áleýmettik jelide jarııa etýde. Buǵan jol berýge bolmaıdy, bul da jasyryn jarııalanym. Ol úshin  de aıyppul qarastyrylǵan. Hattama daýys berý aıaqtalǵannan keıin ǵana qabyrǵaǵa ilinedi.Saǵat 20-00-ge deıin hattamany jarııa etýge bolmaıdy. Bul barlyǵyna, onyń ishinde baıqaýshylarǵa da qatysty", - dedi ol.

Bas prokýrordyń orynbasary anyqtalǵan barlyq fakti  boıynsha tekserý júrgizilip, shara qoldanylatyndyǵyn aıtty.

"Bir adamnyń Feısbýginde Qosanovqa daýys berýge shaqyrý ornalastyrylǵan. biz onyń paraqshasyna kimderdiń kirgenin tekseremiz. Daýys berý kúninde barlyq ótinishter dereý qaralatyn bolady. Jalpy, daýys berý tynysh ótip jatyr, qoǵamdyq tártipti óreskel buzý joq. Jasyryn saılaý aldy úgit-nasıhat júrgizýge jol berilmeıtindigin eskertemin",- dedi Bolat Dembaev.

 

 

Joǵary qaraı