Aýa raıy
Astana -5 °S
Almaty 17 °S
valıýta baǵamy
USD 389.98
EUR 434.01
RUB 6.10
CNY 55.04

Bank kartasyn paıdalanýshylarǵa memleket tarapynan bonýs engizilmek

2019 jyldyń 26 naýryz 2019 14:21

NUR-SULTAN. QazAqparat - Elimizde bank kartasyn paıdalanýshylarǵa memleket tarapynan qosymsha bonýs berý tetigin engizý máselesi qarastyrylyp jatyr. Bul týraly búgin Úkimet úıindegi baspasóz máslıhatynda QR Ulttyq ekonomıka mınıstri Rýslan Dálenov aıtty, dep habarlaıdy QazAqparat tilshisi.

«Biz qosymsha jańa sharalar da qarastyryp jatyrmyz. Bul - memleketten azamattarǵa, bank kartasyn paıdalanýshylarǵa bonýs berý. Atalǵan máseleni qazirgi ýaqytta talqylaýdamyz», - dedi ol.

Sonymen qatar ol bıznespen birge iri mámilelerdi qolma-qol aqshasyz júrgizý máselesin de talqylap jatqandyqtaryn aıtty.

«Bıznespen birge qolma-qol formada iri kólemde jasalǵan shyǵystarǵa, sonymen qatar iri mámilelerge shegerim boıynsha shekteý engizý máselesi qarastyrylyp jatyr. Bul iri mámilelerdiń qolma-qol aqshasyz formada jasalýy úshin engizilmek», - dedi R.Dálenov.

Avtor Marlan Jıembaı
Basty sózder: Ekonomıka, QR Úkimeti, Qarjy, Qoǵam,
Joǵary qaraı