Aýa raıy
Astana -6 °S
Almaty -2 °S
valıýta baǵamy
USD 389.34
EUR 428.78
RUB 6.05
CNY 55.45

Balasynyń emine aqsha jınap jatqan kelinshek alaıaqqa aldandy

2019 jyldyń 16 qazan 2019 23:46

NUR-SULTAN. QazAqparat – Elordada er adam balasynyń emine aqsha jınap jatqan áıeldi aldap, 400 myń teńgesin ıemdengen. Bul týraly Astana qalalyq sotynan málim etti, dep habarlaıdy QazAqparat.

2018-2019 jyldar aralyǵynda er adam «OLX» saıtynda jer ýchaskelerin satatyny jóninde jalǵan habarlandyrý ornalastyrǵan. Aldanǵan elorda turǵyndary oǵan jerdiń aqshasyn aýdaryp kelgen.

Sondaı-aq 2019 jyldyń aqpanynda azamat K. Instagram-da naýqas balaǵa aqsha jınalyp jatqany týraly jazbany kórip, balanyń anasyna habarlasqan. Ózin jer komıtetiniń qyzmetkeri retinde tanystyryp, kómek kórsetkisi keletinin jáne jer ýchaskesin áıeldiń atyna aýystyryp beretinin aıtqan. Al ol jerdi keıin satyp, ulynyń emin tóleı alatynyn jáne jetkizgen.

«Perzentin emdegisi kelgen áıel aldanyp, usynysqa kelisken jáne óziniń tanysy arqyly K.-ǵa 400 myń teńge bergen», - dedi sottan.

№2 Almaty aýdandyq sotynyń úkimimen er adam 4 jylǵa bas bostandyǵynan aıyryldy.

«Sottyń osy úkimimen zardap shekkenderge materıaldyq shyǵyn retinde 3 mln teńgeden astam soma óndirip alyndy», - delingen sot málimetinde.

Joǵary qaraı