Aýa raıy
Astana -9 °S
Almaty -3 °S
valıýta baǵamy
USD 389.34
EUR 428.78
RUB 6.05
CNY 55.45

Balasyna ekpe saldyrmaǵan ata-anaǵa jaýapkershilik qarastyryla ma - mınıstr jaýap berdi

2019 jyldyń 17 qazan 2019 12:54

NUR-SULTAN. QazAqparat - Balasyna ekpe saldyrmaıtyn ata-analar sany artyp keledi. Bul týraly QR Densaýlyq saqtaý mınıstri Eljan Birtanov aıtty, dep habarlaıdy QazAqparat tilshisi.

«Bul óte mańyzdy másele, kóp jyldan beri talqylap kele jatyrmyz. Ásirese, eki jyldyń ishinde halyqpen kóp talqylaý boldy. Qazirgi ýaqytta kodekstiń jańa jobasyna osyndaı usynys engizip otyrmyz. Árıne, bul másele tek osy normamen sheshilmeıdi. Ókinishke oraı, ekpeden bas tartqan ata-analardyń sany kóbeıip tur. Shyndyǵyn aıtý kerek, qazirgi ýaqytta halyqtyń densaýlyǵyna, ekologııaǵa baılanysty medıtsınalyq qarsy kórsetilim sany artyp keledi. Oǵan túrli allergııalar sebep. Ol balalardy da oılaýmyz kerek. Nevrologııalyq naýqas balalarǵa da ekpe salynbaıdy», - dedi Eljan Birtanov.

Onyń dereginshe, qyzylshamen eń kóp aýyrǵan balalardyń, sondaı-aq ókinishke oraı qaza tapqan balalardyń kópshiligi ekpe saldyrmaǵan.

«Birinshiden, ata-analar balalarynyń densaýlyǵyn oılaýy tıis. Ekinshiden, basqa da balalardyń, azamattardyń densaýlyǵy úshin (ekpe saldyrmaǵan balalardy mektepke deıingi uıymǵa jiberýden) bas tartýymyz qajet», - dedi ol

Mınıstrdiń aıtýynsha, jańa kodekste balasyna ekpe saldyrmaǵan ata-analarǵa ákimshilik jaýapkershilik qarastyrylmaǵan.

Joǵary qaraı