Aýa raıy
Astana 0 °S
Almaty 21 °S
valıýta baǵamy
USD 389.59
EUR 429.06
RUB 6.05
CNY 55.07

Balańyz terezeden qulap ketpes úshin ne isteý kerek

2019 jyldyń 19 mamyr 2019 12:20

NUR-SULTAN. QazAqparat - 2- 7 jas aralyǵyndaǵy balalar terezeden qulaý qaýipterine jıi tap bolady. Bul týraly QazAqparat qalalyq Tótenshe jaǵdaılar departamentine silteme jasap habarlaıdy.

«Qalada balalardyń jaraqat alýy men ólimine ákelip soǵatyn negizgi sebepterdiń biri - terezeden qulaý jaǵdaıyna baılanysty. Kóp jaǵdaıda 2 jastan 7 jasqa deıingi balalar terezeden qulaý qaýip-qaterine jıi ushyraıdy. Bul jastaǵy balalar tereze aldynda oınaýdyń qanshalyqty qaýipti ekenin túsinetin jasta emes», - dedi qutqarýshylar.

Statıstıka kórsetkendeı, kóbinese balalardyń qulaýy olardyń ata-anasynyń qaraýynsyz qalýy jáne janyndaǵy eresekterdiń nemquraılylyǵy sebebinen oryn alady.

Osy oraıda mamandar qaýipsizdikti qamtamasyz etý úshin birqatar usynstardy berdi.

Atap aıtqanda, kishkentaı balalardy bólmede jalǵyz qaldyrmaý mańyzdy. Barlyq jıhazdardy bala tereze aldyna shyǵa almaıtyndaı etip, tereze mańynan alshaq qoıý kerek.

«Terezedegi moskıttik torlarǵa senbeńiz. Olar qulaýdan saqtaýǵa arnalmaǵan. Kerisinshe, moskıttik tor qaıǵyly jaǵdaıdyń bolýyna ákelip soǵady, balalar moskıttik torlardy qaýipsiz dep oılaıdy jáne sol torlarǵa súıenedi. Eń sapaly tordyń ózi balanyń salmaǵy men qysymdy kótere almaıdy. Eger balańyz bólmede bolsa, terezeni jáne balkon esigin ashpańyz. Joǵarǵy jeldetkishterdi nemese tik jeldetý rejımin paıdalanyńyz», - deıdi qutqarýshylar.

Bul turǵyda bala terezeni óz erkimen asha almaý úshin, terezelerge arnaıy bekitkishter ornatý qajet.Oǵan qulpy bar tutqa nemese taraq-buǵattaǵysh salý kerek.

«Balalarǵa qaýipsizdik sabaqtaryn, sondaı-aq olardyń úlkenderin ózinen kishi balalarǵa qaraýǵa úıretińiz»,- delingen TJD málimetinde.

Eske sala keteıik, Qazaqstanda bir táýlikte 3 búldirshin terezeden qulap ketkeni týraly buǵan deıin habarlaǵan bolatynbyz.

Joǵary qaraı