Aýa raıy
Astana -2 °S
Almaty 20 °S
valıýta baǵamy
USD 389.98
EUR 434.01
RUB 6.10
CNY 55.04

Balalardyń jazǵy lagerlerge joldamasy qansha turady

2019 jyldyń 21 mamyr 2019 13:42

NUR-SULTAN. QazAqparat - Bilim jáne ǵylym vıtse-mınıstri Bıbigúl Asylova jazǵy lagerlerdiń joldama baǵasy qansha ekenin jarııalady, dep habarlaıdy QazAqparat tilshisi.

«Lagerlerdegi saýyqtyrý qyzmetiniń tarıfterin jergilikti atqarýshy organdar men tıisinshe atalǵan mekemeler bekitedi. Joldamalardyń baǵasy shamamen 10 myń teńgeden bastalady. Ary qaraı lagerde demalý uzaqtyǵyna baılanysty bolady. Ol - shamamen 10-40 myń teńge aralyǵynda», - dedi vıtse-mınıstr Úkimettiń baspasóz ortalyǵynda.

Sonymen qatar, Bıbigúl Asylova ýnıversıtetterde ashylatyn jazǵy mektepterdiń qalaı jasaqtalatyny týraly aıtyp berdi.

«Biz JOO bazasynda jazǵy mektepterdi ashqaly otyrmyz. Qazirgi tańda onǵa tarta joǵarǵy oqý oryny akademııalyq mektep ashyp jatyr. Buryn bul tájirıbede bar edi. Alaıda aýqymdy bolmaǵan. Bıyl ǵana JOO-lar osy bastamany ilip áketip, ártúrli profıl boıynsha jazǵy mektepterdi ashady», - deıdi ol.

Bıbigúl Asylovanyń aıtýynsha, eńbekpen balalardyń 33 paıyzy qamtylmaq.

«Jalpy, elimizde 6,7 myń eńbek otrıadtary jasaqtalyp, oǵan 180 myńǵa tarta bala jumyldyrylady. Kógaldandyrý boıynsha 15 myń brıgada - 524 myń bala jumys isteıdi. 2 333 ártúrli JShS men jeke kásip ıelerinde 156 myń bala jumyspen qamtylady. Eńbek kodeksine sáıkes ata-analardyń ruqsatymen úsh jaqty kelisim jasalady. Ol kelisimge ata-ana, jumyspen qamtý ortalyǵy men jumys berýshi qol qoıady. Jumys kestesi 3-4 saǵattan aspaýy kerek. Bala kez kelgen ýaqytta, tipti oqý jyly kezinde de jumys isteı alady. Alaıda bul jumys oqýshynyń bilim alýyna kedergi keltirmeýi kerek», - deıdi vıtse-mınıstr.

Eske sala ketsek, búgingi Úkimet otyrysynda Úkimet basshysy Asqar Mamın Bilim jáne ǵylym mınıstrligine balalardyń jazǵy demalysyn joǵary deńgeıde uıymdastyrý úshin tıisti jol kartasyn ázirleýdi júktegen bolatyn.

Joǵary qaraı