Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

Balalardy qaýipti veb-kontentten qalaı alystatamyz? - VVS

2019 jyldyń 21 sáýir 2019 13:13

NUR-SULTAN. QazAqparat - Áleýmettik jelilerdegi balalarǵa zııan tıgizetin qaýipti kontentterge alańdaýshylyq kún sanap artyp keledi. Sol sebepti ata-analar balalardyń neni kóretinin, Internette qansha ýaqyt ótkizetinin baqylaı alýy kerek, dep jazady VVS basylymy.

Basylymnyń jazýynsha, ata-analardyń barlyǵy derlik balalardy Internettegi ómirden alystatyp, nazaryn basqa jaqqa aýdarýǵa kúresip jatyr.

«Búginde jastar Instagram-da saǵattap otyryp, «laık qýady». Nemese oıyn oınap, WhatsAppta uzaq ýaqyt otyrady. Bul jaǵdaıda biz balalardy qaýipti kontentten qalaı qorǵaı alamyz?» dep jazady avtor.

Onyń aıtýynsha, kontentti fıltrleýge arnalǵan baǵdarlamalardyń shyqqanyna kóp jyldan asqanymen, ata-analar olardy paıdalanýǵa qulyq tanyta bermeıdi. Degenmen, búginde ata-analardyń baqylaýyna arnalǵan tsıfrlyq qurylǵylar sany artyp keledi.

«Mysaly, Disney, Koala Safe jáne Ikydz júıeleri úıińizdegi kez kelgen tsıfrlyq qurylǵyny baqylaı alady. Jańa ónimder Wi-Fi roýter arqyly jumys isteıdi. Bul júıeler balalardyń jasyna qaraı fıltr qoıýǵa kómektesedi. Onyń ishinde qaýipti kontent, qumar oıyndar, tanystyq alańdary sekildi ónimderge tyıym salýǵa bolady» dep jazady avtor.

Degenmen, avtordyń aıtýynsha, Instagram jelisin baqylaý qıynǵa soǵady.

«Instagram jelisin baqylaı almaǵanymen, ata-analar qurylǵydaǵy ınternetti óshirip tastaı alady. Internet - keremet resýrs. Degenmen, ony baqylamasa, ol balalarǵa úlken qaýip tóndiredi» dep jazady avtor.

Onyń aıtýynsha, bul fıltr júıelerdiń de óz kemshilikteri bar.

«Mysaly, balańyz úıden shyqsa, fıltr júıe jumys istemeı qalady. Bala Wi-Fi emes, mobıldi ınternetti qoldansa da, baqylaý qıynǵa soǵady» deıdi avtor.

Joǵary qaraı