Aýa raıy
Astana 30 °S
Almaty 36 °S
valıýta baǵamy
USD 383.01
EUR 430.12
RUB 6.10
CNY 55.70

Balalar eńbeginiń qurbany 152 mıllıonǵa jetti - zertteý

2019 jyldyń 18 maýsym 2019 02:47 654

NUR-SULTAN. QazAqparat - «Balalar eńbegi taýarlaryn batys elderine kóp eksporttaıtyn elderde áli de órship tur. Ásirese Qytaı, Bangladesh, Úndistanda bul problemany sheshýde esh alǵa jyljý baıqalmaıdy. Al búgingi tańda 152 mln kámelettik jasqa tolmaǵan jetkinshek balalar eńbegin zańsyz paıdalaný qurbany bolýda», dep jazady The Guardian basylymy.

Avtordyń jazýynsha, ekonomıkalyq ósim men bilim berý salalarynyń damyp jatqanyna qaramastan álemde balalar eńbegimen kúres kenje qalyp keledi.

«Ekonomıkalyq ımpýls kedeı memleketterge áli jetpedi. Sol sebepti de kedeı memleketterde balalar eńbegin zańsyz paıdalaný máselesi sheshimin tabar emes», - deıdi adam quqyqtary salasynyń sarapshysy Oskar Larsson.

«Halyqaralyq eńbek uıymynyń málimetterine sáıkes búgingi tańda álem boıynsha 152 mıllıon adam balalar eńbeginiń qurbany bolýda. Olardyń 73 mıllıony óte aýyr jaǵdaıda jumys istep jatyr», dep jazady avtor. Onyń aıtýynsha, bul zertteý 198 memlekettegi zańdar men halyqaralyq kelisimderdi eskere otyryp jasalǵan.

«Balalardyń eńbek quqyǵy buzylǵan memleketter qatarynda Soltústik Koreıa, Somalı, Ońtústik Sýdan, OAR bar. Sonymen qatar búkil álem boıynsha halyq sany 900 mıllıonnan asatyn 27 memleket balalar eńbegi úshin «óte qaýipti» dep tanyldy. Taǵy 82 memleket «joǵary qaýpi bar» sanatqa endi», dep jazady avtor.

Maqalada halyqaralyq kelisimder boıynsha bala 15 jasqa tolǵansha onyń damýyna kedergi keltirip, densaýlyǵyna zııan tıgizetin jerlerde jumys istemeýi kerektigi kórsetilgen.

«BUU balalar eńbeginiń halyqaralyq kelisimderge saı emes jaǵdaıyn jıi anyqtap jatyr. Soǵan qaramastan BUU 2025 jylǵa qaraı balalar eńbegin túbegeıli joımaq. Degenmen, sarapshylar qazirgi qarqynmen bul mejege jetý múmkin emes ekenin aıtyp jatyr», delingen maqalada.

 

 

 

 

Avtor Aıkúmis Bolatbek
Basty sózder: Álem,
Joǵary qaraı