Aýa raıy
Astana 15 °S
Almaty 10 °S
valıýta baǵamy
USD 386.82
EUR 428.67
RUB 5.86
CNY 54.95

Balabaqsha dırektory men tárbıeshiniń tóbelesi: Sot úkimi shyqty

2019 jyldyń 22 aqpan 2019 11:14 3745

ASTANA. QazAqparat - Aqtaýdaǵy «Aınalaıyn» jekemenshik balabaqshasynyń dırektory tárbıeshilerdiń birin soqqyǵa jyqqany úshin jaýapqa tartyldy, dep habarlaıdy QazAqparat Lada.kz basylymyna silteme jasap.

Aqtaý qalasynyń mamandandyrylǵan ákimshilik sotynda mekeme basshysy Gúljanat Muratbaıǵa qatysty ákimshilik is qaraldy.

«Sottyń anyqtaýynsha, 14 aqpan kúni saǵat 17:00-de «Aınalaıyn» balabaqshasynyń dırektory tárbıeshiniń kómekshisi Ý.-men sózge kelisip qalyp, ydyspen basynan uryp jibergen. Solaısha, densaýlyǵyna jeńil zardap keltirgen. Dırektordyń kinási medıtsınalyq saraptamanyń qorytyndysymen jáne oqıǵa kýágerleriniń sózderimen dáleldendi», - delingen sottyń habarlamasynda.

QR Ákimshilik quqyq buzýshylyq týraly kodeksiniń 73-1-babynyń («Densaýlyqqa qasaqana jeńil zııan keltirý») 1-tarmaǵyna («Densaýlyqtyń qysqa merzimge buzylýyna nemese jalpy eńbek qabiletin turaqty túrde bolmashy joǵaltýǵa ákep soqqan, densaýlyqqa qasaqana jeńil zııan keltirý») sáıkes, sottyń sheshimimen balabaqsha dırektoryna 37 875 teńge kóleminde aıyppul salyndy.

Sot qaýlysy zańdy kúshine engen joq. 

 

 

Basty sózder: Sot, Mańǵystaý oblysy, Aımaq,
Joǵary qaraı