Aýa raıy
Astana 16 °S
Almaty 25 °S
valıýta baǵamy
USD 384.52
EUR 431.32
RUB 6.10
CNY 55.89

Baqytjan Saǵyntaev Úkimettiń otstavkasyna baılanysty málimdeme jasady

2019 jyldyń 22 aqpan 2019 01:12 2344

ASTANA. QazAqparat - QR Premer-Mınıstri Baqytjan Saǵyntaev el Úkimetiniń otstavkaǵa ketýine baılanysty málimdeme jasady, dep habarlaıdy primeminister.kz.

«Búgin Úkimet otstavkaǵa ketti. Táýelsiz Qazaqstan memleketiniń negizin qalap, búgingi bıikterge jetkizgen Elbasy halqynyń ósip-órkendeýin árqashan eń basty qaǵıda retinde ustanyp, árbir sheshimin memleket pen halyqtyń múddesi turǵysynan qabyldap keledi. Memleket qurý ońaı jumys emes. Jas memleketti túrli qaıshylyqtar men qaqtyǵystardan aman alyp ótip, tarıhı ólshemmen alǵanda tym qysqa merzimde osyndaı abyroıly El etý shyn máninde sheksiz qurmetke laıyq.

Elbasy - elimizdiń san myń jyldyq tarıhyndaǵy eń jaýapty kezeńde halqymyzdyń baǵyna bergen uly da jasampaz tulǵasy. Sol sebepti, halqymyz baıandy búgini men jarqyn bolashaǵyn tek qana Elbasynyń esimimen baılanystyrady.

Ótken eki jarym jyl boıy Úkimet tizginin tapsyryp, joǵary senim bildirgeni úshin Elbasy Nursultan Ábishuly Nazarbaevqa shynaıy alǵysymdy bildiremin»,-delingen málimdemede.

 

Basty sózder: QR Úkimeti, QR Premer-Mınıstri,
Joǵary qaraı