Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Baqyt Sultanov: Elordaǵa 1 trln teńgeden astam ınvestıtsııa tartatyn jospar quryldy

2019 jyldyń 22 sáýir 2019 10:54

NUR-SULTAN. QazAqparat - Nur-Sultan qalasynyń ákimi Baqyt Sultanov elordaǵa 1 trln teńgeden astam ınvestıtsııa tartýǵa baǵyttalǵan jospar týraly aıtty, dep habarlaıdy QazAqparat tilshisi.

«Ótken jyly elordaǵa rekordtyq kólemde ınvestıtsııa tartyldy. Syrttan túsken qarjy birinshi ret 1 trıllıon teńgeden asty. Osy kórsetkishterge qalada iske asyrylyp jatqan iri jobalardyń arqasynda qol jetkizildi. Al bıyl qurylys jumystarynyń azaıýyna baılanysty ınvestıtsııa kólemi de tómendep otyr. Óıtkeni, ınvestıtsııalardyń 70-80 paıyzyn qurylys quraıdy. Biz ótken jyldardaǵy ınvestıtsııalarǵa taldaý jasadyq. 2019 jylǵa arnalǵan boljamdy kólemderdi jınap, jospar qurdyq. Eger oryndasaq - byltyrǵy jetken trıllıon teńgeden asyrýǵa bolady», - dedi Baqyt Sultanov Úkimet otyrysynda.

Qala ákiminiń aıtýynsha, shaharǵa ınvestıtsııa tartý tetikteri qaıta qaralǵan.

Eske sala ketsek, buǵan deıin Premer-Mınıstr Asqar Mamınnyń tóraǵalyǵymen Investıtsııalar tartý jónindegi úılestirý keńesi qurylǵanyn habarlaǵan edik.

Aldaǵy ýaqytta Investıtsııalar boıynsha jaýapty sheshimderdi Úılestirý keńesi qabyldaıtyn bolady.

Joǵary qaraı