Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

Azııa chempıonaty: Kókpardan Qazaqstan quramasy chempıon atandy

2019 jyldyń 21 sáýir 2019 22:00

NUR-SULTAN. QazAqparat - Almatyda Ulttyq at sportynan ótip jatqan І Azııa chempıonatynyń sońǵy kúni kókpardan Qazaqstan jastar ulttyq quramasy chempıon atandy, dep habarlaıdy QazAqparat tilshisi.

QR Ulttyq sport qaýymdastyǵy málim etkendeı, kókpardan fınalda Qazaqsan quramasy men Monǵolııa qurama komandasy bas júldeni ózara sarapqa saldy.

Toptyq kezeńderde eshkimge des bermegen qos komanda arasyndaǵy saıys búgin de tartysqa toly boldy. Tartysqa toly birinshi kezeńde jerlesterimiz 2:1 esebimen jeńiske jetti. Al sheshýshi, ıaǵnı ekinshi kezeńde otandastarymyz esepti 8:3-ke jetkizip, Baıan-Ólgeıden kelgen qarsylastaryn aıqyn basymdylyqpen utyp, І Azııa chempıonatynyń chempıony atandy.

Jarysty jergilikti jankúıerlermen qatar Búkilálemdik etnosport konfederatsııasynyń ІІ halyqaralyq forýmyna kelgen sheteldik qonaqtar da tamashalady.

Osylaı Elbasynyń tikeleı tapsyrmasymen jarııalanǵan Jastar jyly aıasynda QR Ulttyq sport túrleri qaýymdastyǵynyń uıymdastyrýymen ótken Jastar arasyndaǵy tuńǵysh Azııa chempıonatynyń Kókpar boıynsha jeńimpazy Qazaqstan quramasy boldy.

Al kókpardan úshinshi orynǵa Ózbekstan men Qytaı quramalary talasty. Oıynnyń alǵashqy bóliginde alǵash esepti qytaılyq jigitter ashty. Alaıda, birinshi taım 1:1 esebimen teń aıaqtaldy. Ekinshi kezeńde de qos komanda bir-bir salymnan salyp, esep 2:2-i bolyp komandalar teń oıyn nátıjesein tirkedi. Sonymen, tóreshiler jaǵy kos komandaǵa qosymsha ýaqyt belgiledi. Bul múmkindikti oń paıdalanǵan ózbekstandyq kókparshylar bir salym salyp, úlgerip, esepti 3:2-ge jetkizdi. Bul kórsetkish qosymsha ýaqyttyń sońyna deıin ózgermegendikten jeńis Ózbekstan kókparshylarynyń qanjyǵasyna baılandy.

Esterińizge sala keteıik, ulttyq at sportynan ótken І Azııa chempıonatynda sary qurlyqtyń 10 elinen kelgen sportshylar sporttyń kókpar, aýdaryspaq, teńge ilý jáne jamby atý sportynan júldeli oryndardy ózara sarapqa saldy.

Avtor Kúnsultan Otarbaı
Basty sózder: Qoǵam, Sport,
Joǵary qaraı