Aýa raıy
Astana 5 °S
Almaty 11 °S
valıýta baǵamy
USD 389.81
EUR 430.27
RUB 6.06
CNY 54.91

Azııa chempıonaty: Qazaqstandyq toǵyz boksshy shırek fınalǵa shyqty

2019 jyldyń 21 sáýir 2019 20:42

NUR-SULTAN. QazAqparat - Bokstan Azııa chempıonatynda jigitter arasynda qazaqstandyq toǵyz bylǵary qolǵap sheberi shırek fınalǵa joldama aldy, dep habarlaıdy QazAqparat tilshisi.

Esterińizge sala keteıik, Azııa chempıonaty Taıland astanasy - Bangkok qalasynda ótip jatyr. Onda elimizdiń jigitter quramasy 10, qyzdar quramasy 10 salmaqta synǵa túsýge múmkindik alǵan bolatyn.

Jarystyń úshinshi kúninde Ánýar Muzapparov (52 keli), Aslanbek Shymbergenov (69 keli), Nazym Qyzaıbaı (51) keli), Bek Nurmaǵanbet (81 keli), Zakır Safıýllın (60 keli), Rımma Volosenko (60 keli) shyqty. Olardyń arasynda Ánýar Muzapparovtan ózgesi jarysty jalǵastyrýǵa qol jetkizdi. Ol búgin qyrǵyz jigiti Azat Úsenálıevten jeńilip qaldy.

Jarystyń ekinshi kúninde qazaqstandyq boksshy Sánııa Sultanqyzy 1/16 fınalda tájikstandyq Mıjgona Samadovaǵa ese jiberip qoıdy.

Búgin jekpe-jekterde bizdiń jigitter táp-táýir oıyn kórsetti. Aslanbek Shymbergenov taılandtyq Saılos Ardıdi, Bek Nurmaǵanbet kýveıttik Bader Almýtaırıdi, Zakır Safıýllın vetnamdyq Dat Vý Thanhty, Nazym Qyzaıbaı ózbek qyzy Ferangız Hosımovany, Rımma Volosenko fılıppındik Sabrıný Bınte Mod Faızaldy tize búktirdi.

Budan buryn shırek fınalǵa Vasılıı Levıt (91 keli), Qamshybek Qońqabaev (91 keliden joǵary), Tursynbaı Qulahmet (75 keli), Qaırat Erálıev (56 keli), Temirtas Júsipov (49 keli), Alýa Balqybekova (48 keli), Dına Jolaman (54 keli), Mılan Safronova (64 keli) shyqty.

Jerebe nátıjesimen Darıǵa Shákimova (69 keli) men Aqerke Baqytjan (75 keli) birden 1/4 fınalǵa joldama alsa, Farıza Sholtaı (81 keli) men Lázzat Kúngeıbaeva (81 keliden joǵary) birden jartylaı fınalda synǵa túsedi.

Avtor Ádiljan Úmbet
Basty sózder: Qoǵam, Sport, Boks,
Joǵary qaraı