Aýa raıy
Astana 5 °S
Almaty 12 °S
valıýta baǵamy
USD 389.81
EUR 430.27
RUB 6.06
CNY 54.91

Azııa chempıonaty: Boksshy Ánýar Muzapparov shırek fınalǵa shyǵa almady

2019 jyldyń 21 sáýir 2019 15:42

NUR-SULTAN. QazAqparat - Bokstan Azııa chempıonatynda qazaqstandyq Ánýar Muzapparov shırek fınalǵa shyǵa almaı qaldy, dep habarlaıdy QazAqparat tilshisi.

Azııa chempıonaty Taıland astanasy Bangkok qalasynda ótip jatyr. Qurlyqtyq dodada bizdiń jigitter barlyq salmaqta baq synaıdy.

Degenmen búgin Ánýar Muzapparov jarysty jalǵastyrýdan shet qaldy. Ol jarystyń 1/8 fınalynda qyrǵyzstandyq Azat Úsenálıevke ese jiberip qoıdy. Ánýar jarystyń 1/16 fınaldyq satysynda Enkhmandah Hardýrdjýdi súrindirgen edi. Elimizdiń jigitter quramasy osylaısha alǵashqy jeńilisine ushyrady.

Esterińizge sala ketelik, budan buryn qazaqstandyq boksshy Sánı Sultanqyzy 1/16 fınalda tájikstandyq Mıjgona Samadovaǵa jeńilip qalǵanyn habarlaǵan edik.

Búgin Azııa chempıonatynda taǵy bes boksshymyz sharshy alańǵa shyǵady. Elorda ýaqytymen 12.00 bastalǵan kúndizgi sessııada Aslanbek Shymbergenov (69 keli), Nazym Qyzaıbaı (51 keli) jáne Bek Nýrmaganbet (81 keli) el namysyn qorǵaıdy. Al keshki sessııada 1/8 fınalda Zakır Safıýllın (60 keli) jáne Rımma Volosenko (60 keli) jarys jolyna shyǵady. Atap keterligi, Aslanbek Shymbergenov taılandtyq Saılos Ardımen , Bek Nurmaǵanbet kýveıttik Bader Almýtaırımen Zakır Safıýllın vetnamdyq Dat Vý Thanhpen qolǵap túıistiredi.

Eske salsaq, keshe jigitterden Temirtas Júsipov (49 keli), Qaırat Erálıev (56 keli), Sanatáli Tóltaev (64 keli), Tursynbaı Qulahmet (75 keli), qyzdardan Alýa Balqybekova (48 keli), Dınara Jolaman (54 keli) shırek fınalǵa joldama alǵan edi.

Foto: www.kfb.kz

Avtor Ádiljan Úmbet
Basty sózder: Sport,
Joǵary qaraı