Aýa raıy
Astana 8 °S
Almaty 0 °S
valıýta baǵamy
USD 389.62
EUR 429.98
RUB 6.06
CNY 55.08

Azııa chempıonaty: Alty boksshymyz shırek fınalǵa shyqty

2019 jyldyń 21 sáýir 2019 01:30

NUR-SULTAN. QazAqparat - Bokstan Azııa chempıonatynda qazaqstandyq bylǵary qolǵap sheberleri shırek fınalǵa shyqty, dep habarlaıdy QazAqparat tilshisi.

Azııa chempıonatynda 56 kelide synǵa túsken Qaırat Erálıev taǵy bir márte myqtylyǵyn kórsetti. Boksshymyz 1/8 fınalda ırandyq Sadjam Mohammadpýrsamarınniń osal tusyn tapty. Osylaısha shırek fınalǵa joldamany jeńip aldy. Qaırat budan buryn 1/16 fınalda Ońtústik Koreıadan kelgen ıÝ Chan Lıdi súrindirgen edi.

Qurlyqtyq dodada 64 kelide el namysyn qorǵap jatqan Sanatáli Tóltaev 1/8 fınalda ádemi oıyn órnegimen jankúıerlerdiń esinde qaldy. Ol Taıland boksshysy Somchaı Vongsývanmen qolǵa túıistirgen edi. Sharshy alańdaǵy taıtalasta qazaqstandyq bylǵary qolǵap sheberi jeńiske jetti. Sanatáli alǵashqy jekpe-jeginde ındonezııalyq Lıbertýs Gahty jeńgen bolatyn.

Al 75 kelidegi sańlaǵymyz Tursynbaı Qulahmet te endi shırek fınalda synǵa túsetin boldy. Oǵan búgin 1/8 fınalda Kýveıtten kelgen ıÝsef Hýsseın bóget bola alǵan joq. Qazaqstandyq boksshy qarsylasyn birneshe márte nokdaýnǵa jiberdi. Tóreshiler sodan keıin jekpe-jekti toqtatýǵa sheshim qabyldady.

Sondaı-aq, qyzdar arasynda 48 kelide synǵa túsken Alýa Balqybekova da jarystyń kelesi satysyna joldama aldy. Ol Ońtústik Koreıadan kelgen Chorong Pakti súrindirdi.

Budan buryn eki boksshymyz Temirtas Júsipov (49 keli) pen Dına Jolaman (54 keli) shırek fınalǵa joldama alǵanyn habarlaǵan edik.



Foto: www.kfb.kz

Avtor Ádiljan Úmbet
Basty sózder: Qoǵam, Sport, Boks,
Joǵary qaraı