Aýa raıy
Astana 17 °S
Almaty 14 °S
valıýta baǵamy
USD 386.70
EUR 427.15
RUB 6.06
CNY 54.57

«Aımaqty ánmen terbetip»: Aqtóbede respýblıkalyq óner merekesi ótti

2019 jyldyń 17 tamyz 2019 11:13

AQTÓBE. QazAqparat – Aqtóbeniń Yrǵyz aýdanynda dástúrli óner festıvali ótip jatyr. Oǵan elimizdiń ár óńirinen 23 ónerpaz qatysty, dep habarlaıdy QazAqparat tilshisi.

1845 jyly 11 qyrkúıekte Yrǵyz bekinisiniń ashylǵan kúni. Atalǵan óner merekesi de Yrǵyzdyń týǵan kúni qarsańynda toılanady. Al dástúrli «Aımaqty ánmen terbetip» atty respýblıkalyq óner merekesi 1997 jyldan beri aımaqtaǵy talantty jastardyń basyn qosyp keledi. Dástúrli óner festıvaline qatysýshylardy Yrǵyz aýdany ákiminiń orynbasary Aqalmas Turtaev, Aqtóbe oblystyq mádenıet, arhıvter jáne qujattama basqarmasynyń basshysy Nurhan Kádirbaev qatysyp, quttyqtady.

«Óner merekesinde lebizin bildirgender «Aımaqty ánmen terbetip…» óńir turǵyndarynyń saǵyna kútetin dýmany jáne jyl saıyn tamyzda ótetin óńirdegi iri mádenı jobalardyń biri dep atap ótti. Jahandaný úderisine Elbasy N.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasynda aıtylǵandaı «…ózimizdiń ulttyq qundylyqtarymyz arqyly ǵana tótep bere alamyz». Osy oraıda, qazaq halqynyń dástúrli mýzykasy, sonyń ishinde dástúrli án óneriniń damýyna baǵyttalǵan osy baıqaýdyń mańyzy zor. Qasıetti Yrǵyz jerinde uıymdastyrylǵan baıqaý – barlyq óńirlerge ortaq óner merekesi. Sebebi, buǵan deıin aımaqtyq deńgeıde ótkizilgen baıqaý 2018 jyldan beri respýblıkalyq deńgeıge kóterildi. Óner merekesiniń jastarǵa rýhanı tárbıe berýge, óńirlerdegi ónerli talanttardy shyńdaýǵa úlken yqpaly tıetindigin jəne ónegesi mol shara», - dedi Halyq shyǵarmashylyǵy úıiniń baspasóz jetekshisi Gúlnár Seıtalına.

Bıyl «Aımaqty ánmen terbetip» baıqaýy jıyrma úshinshi ret uıymdastyrylyp otyr. Eki kúnge sozylǵan óner merekesine Aqtóbe oblysynan basqa Mańǵystaý, Qyzylorda, Atyraý, Qostanaıdan ónerpazdar keldi. Olar dástúrli jáne estradalyq án nomınatsııasy boıynsha úzdikterin anyqtady. Dástúrli án atalymy boıynsha qyzylordalyq Malıka Aldamjarova, al estradalyq ánde Aqtóbe oblysy, Qobda aýdanynan kelgen Nurjan Ábjan jeńimaz atandy.

















Joǵary qaraı