Aýa raıy
Astana 5 °S
Almaty 8 °S
valıýta baǵamy
USD 389.81
EUR 430.27
RUB 6.06
CNY 54.91

Aıka fılmi «Oskar» úmitkerleriniń qatarynan shyǵyp qaldy

2019 jyldyń 22 qańtar 2019 20:04

ASTANA. QazAqparat - «Aıka» fılmi «Oskar» úmitkerleriniń aqyrǵy tizimine enbeı qaldy, dep habarlaıdy QazAqparat kınojúldeniń resmı saıtyna silteme jasap.

«Úzdik sheteldik fılm» nomınatsııasyndaǵy aqyrǵy tizimge bes fılm endi. Olar: meksıkalyq «Roma» (rejısseri Alfonso Kýaron), polshalyq «Qyrǵı-qabaq soǵys» (Pavel Pavlıkovskıı), japonııalyq «Dúken urylary» (Hırokadzý Koreeda), lıvandyq «Kapernaým» (Nadın Labakı) jáne germanııalyq Florıan Henkel fon Donnersmark túsirgen «Avtorlyǵy joq jumys» fılmderi.



null

Jeńimpazdar 24 aqpanynda «Oskar» syılyǵyn tabystaýdyń 91-shi rásiminde anyqtalady. Úzdikterdi marapattaý Los-Andjeles qalasynyń Dolby teatrynda ótedi.

Buǵan deıin «Aıka» fılminiń «Oskar» kınosyılyǵynyń «Shetel tilindegi úzdik fılm» kategorııasyndaǵy toǵyz kartınadan turatyn qysqa tizimge engenin habarlaǵan edik.

«Aıka» fılminiń sıýjeti - Qyrǵyzstannan Máskeýge kelip, onda zańsyz jumys istep júrgen jas emıgrant áıeldiń oqıǵasy, onyń ishki adamı ósýi, analyq sezimi. Basty róldi qazaqstandyq aktrısa Samal Eslıamova somdaǵan. Ol 71-shi Kann kınofestıvaliniń úzdik aktrısasy dep tanyldy.

Avtor Aıjan Serikjanqyzy
Basty sózder: Mádenıet,
Joǵary qaraı