Aýa raıy
Astana 18 °S
Almaty 32 °S
valıýta baǵamy
USD 384.52
EUR 431.32
RUB 6.10
CNY 55.89

Áıgili «Forsaj» fılminiń epızody Qazaqstanda túsirilýi múmkin

2019 jyldyń 17 maýsym 2019 21:06 1607

NUR-SULTAN. QazAqparat - Áıgili «Forsaj» fılminiń prodıýseri Nur-Sultan qalasynan fılmge arnalǵan lokatsııa qarastyrýda, dep habarlaıdy QazAqparat tilshisi.

«Universal Pictures kınokompanııasynyń ókilderi Qazaqstanǵa kelip, fılmniń epızodyn túsirýge arnalǵan lokatsııamen tanysty. Árıne fılmdi túsirý túsirmeýdi prodıýserleri sheshedi. Degenmen «Forsaj» fılmi bolmaǵan jaǵdaıda basqa jobalardy iske asyrý josparda bar», - dedi «Jahandyq saıasat bastamalary» kompanııasynyń prezıdenti Djeı Fıtlýk QR Mádenıet jáne sport mınıstrliginde ótken baspasóz máslıhatynda.

Sondaı-aq, kompanııa basshysy amerıkandyq kınokompanııalardyń óz qarajattary men múmkindikterin saıası turaqty elderge baǵyttaıtynyn aıtyp ótti.

«Qazaqstan bul baǵytta qaýipsiz el. Sonymen qatar sizderdiń elderińizde qaıtalanbas landshafttar, ınfraqurylym jáne jergilikti kásibı mamandar bar. Osy turǵyda qazaqstandyq kıno salasy mamandarymen birlesip birneshe kınotýyndylardy jasap shyǵaratynymyzǵa senim artamyn», - dedi ol.

Óz kezeginde Ulttyq kınony qoldaý memlekettik ortalyǵynyń basqarma tóraǵasy Andreı Hazbýlatov «Forsaj» fılminiń túsirilimine qatysty óz pikirin bildirdi.

«Fılm avtorlaryn elordadaǵy jarys avtomobılderine arnalǵan alań qyzyqtyrdy. Ol boıynsha qazirgi ýaqytta kelisim jasalý ústinde, biraq tolyqtaı qujattar rásimdelgen joq», - dedi A. Hazbýlatov.

 

 

Joǵary qaraı