Aýa raıy
Astana 9 °S
Almaty 4 °S
valıýta baǵamy
USD 389.59
EUR 429.06
RUB 6.05
CNY 55.07

Aıan Moldaǵalıev sporttyq gımnastıkadan álem kýbogynda bestikke endi

2019 jyldyń 26 mamyr 2019 14:50

NUR-SULTAN. QazAqparat - Horvatııanyń Ozıek qalasynda sporttyq gımnastıkadan álem kýbogi kezeńi máresine jetti. Atalǵan synda Qazaqstan atynan Aıan Moldaǵalıev pen Farýh Nábıev óner kórsetti, dep jazady Olympic.kz.

Gımnastıkalyq qossyryqtaǵy jattyǵýdan fınalǵa joldama alǵan Aıan Moldaǵalıev 5-shi orynnan kórindi. Bul talantty ári jas sportshynyń kýboktyq kezeńge alǵash ret qatysýy. 2018 jylǵy jasóspirimder Olımpıadasynda kózge túsken Aıan bapkerler tarapynan jaqsy baǵaǵa ıe bolyp otyr. Sondaı-aq, Aıan gımnastıkalyq at snarıadynda 22-shi oryn ıelengen.

Al Farýh Nábıev qossyryqta 13-shi, kermede 22-shi, qol tirep sekirýde 14-shi, at snarıadynda 29-shy satyǵa turaqtady.

«Aıan jastyǵyna, álem kýbogyna alǵash ret qatysqanyna qaramaı, úzdikter qatarynan oryn alyp, bestikke endi. Oǵan tek jaraısyń deımiz. Sál ǵana tájirıbe jetpeı qaldy. Bazalyq jattyǵýlary qıyndyǵy jóninen aqsap tur. Dese de, kóńilimizden shyqty», - deıdi bas bapker Aleksandr Kım.

Eske sala keteıik, Horvatııadaǵy álem kýbogy kezeńinde synǵa túsken eki sportshymyz da 2001 jyly týǵan.

Basty sózder: Sport,
Joǵary qaraı