Aýa raıy
Astana 10 °S
Almaty 14 °S
valıýta baǵamy
USD 389.62
EUR 429.98
RUB 6.06
CNY 55.08

Avtokólikten órt shyqsa ne isteý kerek

2019 jyldyń 19 mamyr 2019 18:08

PETROPAVL. QazAqparat - Avtokólikten órt shyqsa ne isteý kerek? Mamandardyń aıtýynsha, kólik orta eseppen 5-10 mınýttiń ishinde tolyq janyp ketedi eken. Sol sebepti órt sóndirýshiler kelgenge deıin ottyń taralýyna jol bermeý kerek. SQO TJD aǵa ınjeneri Ásem Hamzına QazAqprat tilshisine oqys oqıǵa týǵan jaǵdaıda qandaı áreketter jasaý kerektigin aıtyp berdi.

Sońǵy ýaqytta Soltústik Qazaqstan oblysynda avtokólikten shyǵatyn órtter jıilep ketken. Tek jyl basynan beri 36 órt tirkelip, 3 mıllıon 150 myń teńge materıaldyq shyǵyn kelgen. Olardyń 20-synan kóbi jeńil avtokólikterde, qalǵandary júk tasý travnsportynda jáne qoǵamdyq kólikterde boldy.

Avtokólikterdegi órtterdiń shyǵýyna kóp jaǵdaıda elektr symdarynyń tuıyqtalýy negiz bolǵan.

«Kóliktiń órtengenin siz qalyń qara tútinniń shyǵýynan bilesiz, ony birden jol jıegine toqtatý kerek. Otty syrtqy kıimmen nemese basqa da zatpen sóndirip, ýaqytyńyzdy ketirmeńiz. Jaraqat alýyńyz múmkin. Otty órt sóndirgishsiz sóndiremin degenińiz bos áýreshilik. Eger ot kapot astynan shyqsa, kapotty qyrynan taıaqpen nemese montırovkamen baıqap aqyryn ashý qajet. Ashqan kezde óte saq bolǵan jón, óıtkeni ot jalyndap ketýi múmkin», - deıdi departament qyzmetkeri Ásem Hamzına.

Kólikte órt sóndirgishtiń bolǵany asa mańyzdy.

«Kólik astyna tógilgen janarmaıdy sóndirý úshin órt sóndirgishti qoldanyńyz. Órt sóndirgishti negizinen qatty janyp jatqan jerge baǵyttańyz. Otqa brezent jabýǵa, qum, topyraq shashýǵa, sý quıýǵa bolady. Kóliktiń qalyń órt shalǵan jerine paketti sýdy kúshpen laqtyrý da tıimdi. Órtti maı bolǵan nemese benzın tógilgen kıimmen sóndirýge bolmaıdy», - deıdi aǵa ınjener.

Onyń aıtýynsha, kóliktiń qandaı túrinde bolsyn iske jaramdy, qyzmet kórsetý merzimi shyqpaǵan úntaqty órt sóndirgish (OP-2) bolýy mindetti. Bolmasa jańasyn satyp alý nemese eskisin qaıta toltyrý qajet.

«Ýaqyt ótken saıyn kóliktiń elektr symdarynyń jaı-kúıin jáne basqa da órt shyǵý qateri joǵary tetikterin kózben qarap tekserýdi umytpańyz. Qajet bolsa mamandarǵa júginińiz. Balalardy avtokólik salonynda ata-anasynyń qaraýynsyz qaldyrmańyzdar. Sireńkeni kólikte ustamańyzdar», - dep eskertedi azamattyq qorǵaý qyzmet maıory.

Joǵary qaraı