Aýa raıy
Astana 7 °S
Almaty 12 °S
valıýta baǵamy
USD 389.52
EUR 429.21
RUB 6.07
CNY 54.94

Aýyr kólikterdi baqylaý qyzmeti ІІM-ge berile me - Qasymbek jaýap berdi

2019 jyldyń 17 maýsym 2019 13:57

NUR-SULTAN. QazAqparat - Polıtsııaǵa avtokólik quraldarynyń ruqsat etilgen salmaqtyq ólshemderin saqtaýyn baqylaý qyzmeti berilmeıdi. Bul jaıynda Májilis depýtattarynyń resmı saýalyna jaýap bergen QR Premer-Mınıstriniń orynbasary Jeńis Qasymbek aıtty, dep habarlaıdy QazAqparat tilshisi.

«Elimizdiń avtomobıl joldaryn saqtaýdy jaqsartý maqsatynda kólik baqylaý ınspektsııasymen qatar, jol-patrýldik polıtsııasyna da Qazaqstan Respýblıkasynyń aýmaǵynda avtokólik quraldarynyń ruqsat etilgen salmaqtyq ólshemderdi saqtaýyn baqylaýdy júzege asyrý fýnktsııasyn berý máselesin qarastyrǵan jón», - delingen Májilis depýtattarynyń saýalynda.

Osyǵan oraı Úkimet basshysynyń orynbasary aýyr salmaqty jáne iri avtokólik quraldarynyń júrip ótýine kóliktik baqylaýdy júzege asyrý fýnktsııasyn berý máselesi Іshki ister mınıstrliginde múddeli memlekettik organdar deńgeıinde birneshe ret qarastyrylǵanyn atap ótken.

«Jalpy atalǵan fýnktsııalardy ІІM-ge berý adamı faktorlardyń bolýyn shekteı almaıdy. Bul kóliktik baqylaýdy júrgizý tıimdiligine áser etpeıdi. Sonymen qatar, atalǵan fýnktsııalardy berý quqyq qorǵaý organdaryn tıesili emes fýnktsııalardan bosatý máselesi kózdelgen Qazaqstan Respýblıkasy Prezıdentiniń 2009 jylǵy 24 tamyzdaǵy №858 Jarlyǵymen bekitilgen Qazaqstan Respýblıkasynyń 2010 jyldan 2020 jylǵa deıingi kezeńge arnalǵan quqyqtyq saıasat tujyrymdamasy erejesine qaıshy keledi», - dedi Jeńis Qasymbek.

Avtor Marlan Jıembaı
Basty sózder: QR ІІM, Kólik,
Joǵary qaraı