Aýa raıy
Astana 17 °S
Almaty 26 °S
valıýta baǵamy
USD 384.52
EUR 431.32
RUB 6.10
CNY 55.89

Aýyldyq nesıe seriktestikteri bir uıymǵa biriktiriledi - AShM

2019 jyldyń 18 maýsym 2019 12:44 922

NUR-SULTAN. QazAqparat - QR Aýyl sharýashylyǵy mınıstrligi aýyldyq nesıe seriktestikteri men mıkroqarjy uıymdary bazasynda kooperatıvtik qarjy odaqtaryn qurýdy usyndy, dep habarlaıdy QazAqparat tilshisi.

Bul týraly QR Aýyl sharýashylyǵy mınıstri Saparhan Omarov elordada halyqqa esep berý kezdesýinde aıtty. Onyń sózinshe, qarjylandyrý qoljetimdiligi - otandyq aýyl sharýashylyǵy taýaryn óndirýshilerdiń ózekti máselesine aınaldy.

«Búginde agrarlyq sektordy qarjylandyrýda «QazAgro» holdıngi basym bolyp otyr. Ekinshi deńgeıli bankter agroónerkásiptik keshen sýbektilerin qarjylandyrýdy jyl ótken saıyn azaıtyp keledi. Onyń basty sebebi - ótimdi kepilzattyń joqtyǵy. Atalǵan máseleni sheshý úshin qazirgi sharalardan basqa da balamaly mehanızmder qajet. Birinshiden, aýyldyq kredıttik seriktestikter men mıkroqarjy uıymdary bazasynda kooperatıvtik qarjy odaqtaryn qurý qajet. Ol úshin qoldanystaǵy zańnamaǵa aýyldyq kredıt seriktestikterin ortalyq seriktestikke biriktirýdi kózdeıtin ózgerister engizilip jatyr», - dedi mınıstr.

Sonymen birge mınıstr jańa qural retinde agrarlyq qolhattardyń engiziletinin eske saldy.

«Agrarlyq qolhat - shyn máninde aldaǵy egin esebinen qarajat alýǵa múmkindik beretin veksel, bul kepilge qoıý problemasyn sheshýge múmkindik beredi. Atalǵan zań jobasyn Parlament Májilisi depýtattary men QR Úkimeti qoldady», - dedi Saparhan Omarov.

 

 

Joǵary qaraı