Aýa raıy
Astana 4 °S
Almaty 7 °S
valıýta baǵamy
USD 389.98
EUR 434.01
RUB 6.10
CNY 55.04

Aýyl sharýashylyǵy ónimderiniń eksportyn ulǵaıtý kerek - Ómirzaq Shókeev

2019 jyldyń 21 sáýir 2019 15:20

TÚRKІSTAN. QazAqparat - Túrkistan oblysynda kez kelgen aýyl sharýashylyǵy ónimin tıimdi óńdep, eksportty ulǵaıtý kerek. Bul týraly aımaq basshysy Ómirzaq Shókeev azyq-túlik beldeýin qalyptastyrý men aýyl sharýashylyǵy salasynda aldyńǵy qatarly tehnologııalardy qoldaný máselelerine arnalǵan semınar barysynda aıtyp ótti, dep habarlaıdy QazAqparat tilshisi.

Jıynda óńir basshysy aýyl sharýashylyǵy salasynda damyǵan memleketterden qalyp qoımas úshin ǵalymdarmen birlese zertteý jumystaryn keńinen júrgizip, álemdik talaptarǵa saı keletin ónim óndirýge umtylǵan jón ekendigin aıtty. Ári ónim naryqtyq ekonomıkaǵa saı, básekege qabiletti bolýy kerektigin jetkizdi.

«Búgingi tańda Túrkistan qalasynyń aýmaǵyn damytý, halqyn turaqty jumys oryndarymen qamtamasyz etý maqsatynda 480 joba anyqtalyp otyr. Bul jobalar oblystyń ár aýdanynyń basym baǵyttaryn damytyp, oblys halqyn azyq-túlik ónimderimen qamtamasyz etý maqsatynda tańdap alyndy. Aýyl sharýashylyǵynda aldaǵy ýaqytta aldyńǵy qatarly tehnologııalardy qoldana otyryp, jańa aýyl sharýashylyǵyn qalyptastyrýymyz kerek. Aldaǵy ýaqytta talap ózgeredi. Ár aýdan tabıǵı jaǵdaıǵa baılanysty jumys isteýi tıis», - dedi Ómirzaq Shókeev.

Sonymen qatar, aımaq basshysy óńirde jalpy aýyl sharýashylyǵyna jaramdy jer kólemi, elimizdiń basqa óńirlerine qaraǵanda az ekendigin aıtyp, alǵa qoıylǵan tapsyrmalardy tek zaman talabyna saı ǵylymı jetistikterdi utymdy paıdalanýdyń nátıjesinde oryndaýǵa bolatyndyǵyn jetkizdi. Semınar keńesti ótkizýge muryndyq bolǵan óńir basshysy Ómirzaq Shókeev joǵaryda atalǵan tapsyrmalar men 480 jobanyń iske asyrylýyna aýdan, qala ákimderi tikeleı jaýapty ekendigin eskertti.

Semınar sońynda qarjy uıymdary men bank dırektorlary jáne ákimdik arasynda Memorandýmǵa qol qoıý rásimi ótti. Ondaǵy maqsat - Túrkistan oblysynda aýyl sharýashylyǵy salasynda aldyńǵy qatarly tehnologııalardy qoldana otyryp, halyqty jumyspen qamtý maqsatynda iske asyrylatyn jobalardy júzege asyrý jónindegi ózara yntymaqtastyq arttyrý boldy.

Munan soń atalǵan semınar Kentaý qalasy, Shaǵa aýyldyq okrýginde jalǵasty. Aldaǵy ýaqytta sharýalarǵa arnalǵan basqosý Saıram aýdanynda jalǵasatyn bolady.

Joǵary qaraı